Mae Dysgu Treftadaeth MonLife yn rhedeg nifer o raglenni allgymorth wedi’u hwyluso, sy’n defnyddio hanes cymdeithasol a gwrthrychau hanesyddol o’u casgliadau trin i annog rhyngweithio cymdeithasol, gwella lles a chodi lefelau hyder. Mae’r gwasanaeth hefyd yn darparu hyfforddiant gwirfoddolwyr i ddefnyddio gwrthrychau ar gyfer atgofion ac adnoddau atgofion hunan-arweiniol, i’w defnyddio mewn lleoliadau gofal preswyl.
Amcanion Allweddol:
▪ Gwella lles.
▪ Lleihau ynysu cymdeithasol.
▪ Gwella hyder a hunan-barch.
▪ Darparu gweithgareddau cymunedol.
Allbynnau / Deilliannau’r Prosiect
Mae’r prosiectau sy’n gysylltiedig â dementia wedi profi’n amhrisiadwy wrth gyrraedd unigolion sy’n byw â dementia a’u gofalwyr teuluol neu therapyddion galwedigaethol. Mae’r ddarpariaeth allgymorth wedi sicrhau bod y gwasanaeth yn hygyrch, gan ddefnyddio’u casgliadau i wella lles.
Dull Cyfannol
Er mwyn cynnig dull unedig o gefnogi pobl sy’n byw â dementia, cafodd staff yr amgueddfa gyllid gan Fwrdd Iechyd Prifysgol Aneurin Bevan (BIPAB) i bartneru â’r Cynllun Atgyfeirio Ymarfer Corff Cenedlaethol. Roedd hyn yn galluogi cyfranogwyr i gynyddu eu gweithgarwch corfforol am awr yr wythnos, dros gyfnod o ddeng wythnos. Ar ôl hynny, darparodd y Gwasanaeth Dysgu Treftadaeth sesiynau atgofion thematig, trin gwrthrychau a gweithgaredd crefft.
Sgyrsiau Creadigol
Mae ‘Sgyrsiau Creadigol’ yn rhaglen wythnosol wedi’i lleoli yn Nhref Rufeinig Caer-went Cadw. Mae’n darparu gweithgaredd i bobl sy’n byw â Dementia a’u gofalwyr. Bob yn ail wythnosau, mae cyfranogwyr yn cymryd rhan mewn gweithgaredd atgofion a thrin gwrthrychau hanesyddol. Mae hyn yn caniatáu cyfleoedd i sgyrsiau a dysgu newydd. Ar ôl pob sesiwn atgofion a thrin, cynigir crefft gysylltiedig, gan ddarparu cyfleoedd ffocws ac ymlacio.
Lluniwyd y rhaglen o amgylch diddordebau a phrofiadau cyfranogwyr sy’n cwblhau holiadur personol o’r enw ‘Hwn yw fi’ ar ddechrau’r rhaglen. Mae’r dull person-ganolog hwn yn galluogi cyfranogwyr i ‘fod yn arbenigwr’ ar bwnc penodol, sydd wedi profi’n amhrisiadwy ar gyfer hyder a hunan-barch.
Cynllun Atgofion Gwirfoddolwyr
Gall dewis eang o flychau atgofion gael eu llogi gan weithwyr gofal neu eu defnyddio gan wirfoddolwyr y gwasanaeth dysgu. Mae rhaglen hyfforddiant ar gyfer gwirfoddolwyr cymunedol wedi’i datblygu i gynorthwyo capasiti 7, fel y gellir mynd ag adnoddau allan i gartrefi gofal a’u defnyddio mewn caffis cof mewn lleoliadau cymunedol. Cyflwynwyd y sesiwn hyfforddiant gyntaf ym mis Chwefror 2024 i 14 o wirfoddolwyr a chafodd ei chefnogi drwy ‘Byddwch Gymuned Sir Fynwy’, rhaglen arweinyddiaeth gymunedol Cyngor Sir Fynwy. Mae hyfforddiant gwirfoddolwyr yn cynnwys sut i ddefnyddio gwrthrychau amgueddfa fel awgrymiadau/sbardunau ar gyfer annog rhannu profiadau bywyd, pam mae gwrthrychau amgueddfa yn werthfawr mewn gwaith atgofion, manteision atgofion i’r cyfranogwr, diogelu a sut i hwyluso sesiwn atgofion yn ddiogel.
Iechyd a Lles
Trwy arsylwi, presenoldeb, cardiau effaith a holiaduron, cafwyd adborth yn ymwneud â lles.
“Rydw i bob amser yn mynd adref yn teimlo’n hamddenol a dan lai o straen”
“Fe helpodd fi i ennill hyder… fe wnaeth fy atal rhag teimlo’n unig gartref”.
“… Mae gen i rywbeth i godi o’r gwely amdano”.
[Rwyf wedi profi] “… lleihad o ran gorbryder, a mwy o hyder ac wedi dysgu bod yn fwy creadigol”
Cyfranogwyr y prosiect
Myfyrdod
Mae helpu pobl i ‘fyw’n dda gyda Dementia’ yn golygu gwrando ac ymateb i’r hyn y mae cyfranogwyr eu heisiau ac addasu rhaglenni i sicrhau bod hyn wrth wraidd cynllunio. Rhan hanfodol o annog pobl i gymryd rhan yn y rhaglenni yw gweithio gyda sefydliadau cymunedol, clinigau cof, ymarferwyr byrddau iechyd, comisiynwyr a gweithwyr cymunedol.
Mae’n bosibl bod angen gwneud mwy o waith ynghylch dangos gwerth defnyddio casgliadau amgueddfa gyda phobl sy’n byw â Dementia a’u gofalwyr, a rhannu hyn gyda gweithwyr proffesiynol meddygol. Byddai hyn yn annog rhagnodi cymdeithasol i ddod yn rhan o gefnogaeth gyfannol i’r gynulleidfa darged hon.
Mae cyllid a chapasiti i gyflawni yn erbyn galw yn her. Bydd cwrdd â’r angen gyda chyllidebau sy’n gostwng yn dod yn anoddach, gan arwain at leihau/rhoi’r gorau i wasanaethau.
Y Camau Nesaf
Bydd carfan arall o wirfoddolwyr yn dechrau hyfforddiant yn haf 2025.
Mae’r rhaglen amgueddfa yn bwriadu datblygu blwch atgofion ar thema’r 1980au, gan fod y duedd yn dangos bod mwy o bobl â dementia cynnar.
Mae cyllid wedi’i gael ar gyfer o leiaf dwy raglen NERS arall ledled y sir, felly bydd y prosiect yn parhau.
Mae rhagor o gyllid yn cael ei geisio i barhau a datblygu’r rhaglen Sgyrsiau Creadigol yng Nghaer-went.
Bydd ehangu’r gwasanaeth atgofion yn digwydd trwy’r gwirfoddolwyr.
Bydd Cyngor Sir Fynwy yn dechrau rheoli’r coetir ar Gomin y Felin, Magwyr a Gwndy ar 3ydd Chwefror. Mae’r prosiect hwn yn cynnwys teneuo a thorri coed fel rhan o’n hymdrechion adferiad.
Derbyniodd y prosiect gefnogaeth gyhoeddus gref yn dilyn ymgynghoriad yn 2024, gan ddangos ymrwymiad y gymuned i gadw a gwella Comin y Felin.
Nod y gwaith hwn yw gwella iechyd ecolegol, hygyrchedd a gwerth cymunedol y coetir annwyl hwn. Fodd bynnag, rhaid cael gwared ar rai coed, yn bennaf y coed ynn sydd wedi eu heintio, er mwyn cyflawni’r amcanion hyn.
Mae’r gwaith coed wedi’i amserlennu i ddechrau ar 3ydd Chwefror a bydd yn parhau am tua phedair wythnos, gyda gwaith yn cael ei wneud y tu allan i amseroedd gollwng a chasglu’r ysgol er mwyn lleihau unrhyw aflonyddwch. Bwriad yr amserlen hon yw sicrhau diogelwch a hwylustod trigolion, yn enwedig teuluoedd â phlant ysgol.
Yn ystod y cyfnod gwaith, bydd rhai ardaloedd yn cael eu cau yn ystod y gwaith torri coed a byddant yn cael eu ffensio pan na fydd yna waith er mwyn gwarchod pobl.
Dywedodd yr Aelod Cabinet dros Newid Hinsawdd a’r Amgylchedd, y Cynghorydd Catrin Maby: “Mae hwn yn brosiect pwysig sydd â’r nod o warchod ein coetiroedd yn Sir Fynwy. Yn ystod y cyfnod hwn, gofynnwn i bob rhiant a gofalwr sicrhau bod plant yn
cadw draw o’r coetir pan fydd y gwaith coed yn digwydd, gan y gall fod yn beryglus mynd yn rhy agos.”
Mae llawer o goed ynn ar Gomin y Felin yn cael eu heffeithio gan glefyd (Chalara) coed ynn, clefyd difrifol sy’n gwanhau ac yn y pen draw yn lladd y coed. Mae cael gwared ar y coed heintiedig hyn yn hanfodol i atal lledaeniad y clefyd a sicrhau diogelwch ymwelwyr. Bydd hyn hefyd yn agor y canopi i olau’r haul, gan ganiatáu i lasbrennau dyfu. Bydd yr ardal yn cael ei hailblannu gyda chymysgedd amrywiol o rywogaethau coed brodorol.
Mae Cyngor Sir Fynwy wedi bod yn gweithio gyda Chynghorau Tref a Chymuned a thrigolion i ddatblygu gwelliannau mannau gwyrdd ar gyfer natur a phobl trwy Grid Gwyrdd Gwent a Phartneriaethau Natur Lleol.
Eleni, mae’r ffocws ar wella mannau gwyrdd yn y Goetre, Llanofer, Brynbuga, Llangybi, a Rhaglan, ynghyd â safleoedd dethol yn Llandeilo Bertholau, Y Fenni a Threfynwy.
Mae’r Gronfa Ffyniant Gyffredin a Chronfa Lleoedd Lleol ar gyfer Natur Llywodraeth Cymru wedi cefnogi’r dyluniad ac wedi darparu cyllid ar gyfer cyflawni’r mentrau ymarferol hyn ar draws 15 o safleoedd.
Mae Seilwaith Gwyrdd yn cwmpasu creu a rheoli mannau gwyrdd bywiog, gan gynnwys prosiectau fel plannu coed brodorol, rheoli dolydd a choetir, a sefydlu cynefinoedd sy’n gyfeillgar i fywyd gwyllt, gan gynnwys pyllau a gwlyptiroedd.
Park Close, Y Fenni – Prosiect Seilwaith Gwyrdd
Rydym yn awyddus i glywed gan gymunedau lleol a gwahodd trigolion i rannu eu barn ar welliannau bioamrywiaeth arfaethedig. Mae’r Cyngor wedi ymgynghori â chynghorau cymuned ac wedi cynnal cyfarfodydd cyhoeddus, ond mae adborth pellach yn hanfodol.
Gall trigolion gymryd rhan drwy ymweld â gwefan Monlife a chwblhau holiadur byr cyn y dyddiad cau, sef hanner nos, sef dydd Gwener, 17eg Ionawr, 2025.
Mae coridorau gwyrdd a mannau gwyrdd cydgysylltiedig yn llwybrau hanfodol i fywyd gwyllt, gan gynnig cysgod a bwyd wrth gysylltu tirweddau mwy o amgylch ein hardaloedd trefol. Wrth i fannau trefol ddod yn fwyfwy pwysig ar gyfer cadwraeth bywyd gwyllt, nod y Cyngor yw datblygu cynefinoedd brodorol sy’n cefnogi bioamrywiaeth.
Bydd dyluniadau arfaethedig ar gyfer y mannau gwyrdd yn ategu eu defnydd presennol tra’n sicrhau manteision niferus, gan gynnwys ecosystemau cydnerth, llesiant cymunedol gwell, lliniaru newid yn yr hinsawdd, gwell ansawdd aer, storio carbon, datrysiadau rheoli llifogydd a mwy o fynediad i fyd natur.
Pwysleisiodd y Cynghorydd Catrin Maby, Aelod Cabinet dros Newid Hinsawdd a’r Amgylchedd, bwysigrwydd mewnbwn trigolion: “Bydd y arlowg yma i gael well dealltwriaeth o beth mae pobl eisau o rhan corridor gwyrdd yn eu ardaloedd. Rwy’n annog pawb i ymweld â thudalen Prosiect Seilwaith y Coridor Gwyrdd a Monlife a rhannu eich adborth. Bydd eich cyfraniadau yn gyrru’r prosiectau hyn yn eu blaenau.”
Mae Cyngor Sir Fynwy wedi lansio ymgynghoriad ar y Cynllun Gweithredu Adfer Natur Lleol (CGAN) a’r Strategaeth Seilwaith Gwyrdd.
Rhwng 14eg o Fedi a’r 24ain o Hydref, ein nod yw deall sut mae’r argyfwng hinsawdd a natur yn effeithio ar drigolion Sir Fynwy a chasglu gwybodaeth werthfawr ar sut y gallwn gefnogi ein cymunedau.
Mae Cyngor Sir Fynwy yn ddiwyro yn ei ymrwymiad i wella a chadw ein hamgylchedd naturiol o dan Ddeddf Amgylchedd Cymru 2016. Mae ein Strategaeth Argyfwng Hinsawdd a Natur wedi’i hadeiladu ar bedwar piler cydgysylltiedig: Allyriadau Cyngor, Adfer Natur, Afonydd a Chefnforedd, a Chymunedau a Hinsawdd. Yn ganolog i’n hymdrechion, mae piler Adfer Natur, a fydd yn cael ei ddatblygu drwy Gynllun Gweithredu Adfer Natur Lleol Sir Fynwy (CGAN) a’r Strategaeth Seilwaith Gwyrdd.
Mae’e CGAN Lleol Sir Fynwy yn gydweithrediad rhwng Cyngor Sir Fynwy a Phartneriaeth Natur Leol Sir Fynwy. Mae’n darparu map ffordd ar gyfer ymdrechion cadwraeth lleol, gan gynnig camau ymarferol i wrthdroi dirywiad bioamrywiaeth a chryfhau cydnerthedd ecosystemau ar draws Sir Fynwy. Nod y cynllun yw cefnogi pawb, o unigolion a chymunedau i fusnesau a chadwraethwyr.
Mae’r Strategaeth Seilwaith Gwyrdd yn cwmpasu holl gydrannau naturiol ein tirwedd, gan gynnwys coed, planhigion, mannau gwyrdd, glaswelltiroedd, a nodweddion dŵr fel pyllau ac afonydd. Mae’r elfennau hyn yn hanfodol ar gyfer iechyd yr amgylchedd, lles cymdeithasol a sefydlogrwydd economaidd. Nod ein strategaeth yw creu rhwydwaith cysylltiedig o fannau gwyrdd i wella iechyd, cefnogi bioamrywiaeth, gwella cydnerthedd ecosystemau, cynyddu gwytnwch hinsawdd, cadw ein tirweddau, a hyrwyddo twf economaidd cynaliadwy. Mae ffocws allweddol ar warchod ac adfer cynefinoedd naturiol i gefnogi bywyd gwyllt a chynyddu gwytnwch ecosystemau drwy brosiectau a phartneriaethau arloesol, gan wella canlyniadau iechyd yn y pen draw a hyrwyddo gweithredu hinsawdd ar raddfa fwy.
Mae ein hymgynghoriad, sy’n cael ei lansio heddiw yn Sioe Brynbuga, yn gyfle hollbwysig i chi rannu eich adborth ar y CGAN a’r Strategaeth Seilwaith Gwyrdd. Mae eich barn ar sut mae’r argyfwng natur yn effeithio ar Sir Fynwy a’ch syniadau am y cymorth sydd ei angen i gymell cymunedau i weithredu yn amhrisiadwy.
Er mwyn sicrhau na chaiff y bobl eu hadnabod, mae enwau’r plentyn a’r rhiant wedi cael eu hamnewid.
Enw: Ethan
Oed: 8 oed
Lleoliad: Gyrion Cil-y-coed Sir Fynwy
Sefyllfa deuluol: Yn byw gyda’i fam sengl, Sarah.
Sefyllfa economaidd: Adnoddau ariannol cyfyngedig
Beth yw’r Cynllun ‘Beicio i Bawb’?
Mae’r cynllun “Beicio i Bawb” yn fenter gymunedol gyda’r nod o ddarparu beiciau i blant, oedolion a’u teuluoedd.
Cyflwyniad
Mae Ethan yn fachgen 8 oed bywiog a gweithgar sydd wrth ei fodd yn beicio. Yn byw yn ardal Cil-y-coed, mae beicio yn rhan allweddol o’i weithgareddau cymdeithasol a chorfforol, gan gynnig ffordd o deithio a ffordd o chwarae gyda ffrindiau. Fodd bynnag, wrth i Ethan dyfu, mae ei feic wedi mynd yn rhy fach iddo. Mae ei fam, Sarah, yn gweithio’n rhan-amser ac yn ei chael hi’n anodd cael dau ben llinyn ynghyd oherwydd yr hinsawdd economaidd bresennol a chostau byw, gan ei gwneud hi’n anodd fforddio beic newydd. Dyma le mae’r cynllun “Beicio i Bawb” â rhan i chwarae.
Profiad Ethan gyda’r Cynllun
Darganfod a Chofrestru
Dysgodd Sarah am y cynllun “Beicio i Bawb” drwy ddarllen taflen wrth ymweld â’r castell ar gyfer un o’r digwyddiadau llwybr pryfed wedi’u trefnu yn hanner tymor yr ysgol.
Ar ôl gwneud cais, cofrestrwyd Ethan yn gyflym, diolch i’r broses archebu syml, a oedd ond angen prawf adnabod a datganiad byr ar sut i ddefnyddio’r beic a ble i feicio.
Llogi’r Beic:
Ar ôl cwblhau’r broses archebu, gwahoddwyd Ethan i’r ardal gasglu yn y Castell, lle cafodd ei gyfateb â beic a oedd yn gweddu i’w faint a’i ddewisiadau.
Roedd y cyffro ar wyneb Ethan yn amlwg wrth iddo ddewis beic “bachgen mawr” glas llachar, ynghyd â helmed a chlo.
Dysgu a Grymuso:
Fel rhan o’r cynllun llogi, cafodd Ethan drosolwg ar sut i ddefnyddio gerau ar “y beic mawr” a dysgodd sut i wneud gwaith atgyweirio sylfaenol, megis pwmpio teiar fflat ac addasu’r brêcs, sedd a gerau.
Roedd hyn nid yn unig wedi grymuso Ethan trwy ddysgu hunangynhaliaeth iddo ond roedd bellach yn rheoli beic gyda gerau heb yr angen i stopio a gofyn i’w Fam wthio ei feic i fyny bryn.
Effaith ar Fywyd Bob Dydd
Iechyd Corfforol: Mae seiclo wedi dod yn weithgaredd wythnosol i Ethan, gan gyfrannu’n gadarnhaol at ei iechyd corfforol a’i ddatblygiad.
Integreiddio Cymdeithasol: Gyda’r beic newydd hwn, gall Ethan ymuno’n hawdd â’i ffrindiau ar deithiau penwythnos o amgylch tir y castell ar archwilio anturiaethau i ymylon pellaf y parc gan gryfhau ei fondiau cymdeithasol.
Lles Emosiynol: Mae’r annibyniaeth a’r gallu newydd i gymryd rhan lawn mewn gweithgareddau gyda chyfoedion wedi rhoi hwb i hyder Ethan a hapusrwydd cyffredinol.
Rhyddhad Economaidd: I Sarah, fe wnaeth y cynllun leddfu’r baich ariannol o brynu beic newydd wrth i Ethan dyfu mor gyflym, gan ganiatáu iddi ddyrannu adnoddau i anghenion hanfodol eraill.
Casgliad ac Effaith
Mae’r cynllun “Beicio i Bawb” wedi cael effaith ehangach y tu hwnt i dderbynwyr unigol fel Ethan. Drwy hyrwyddo beicio, mae’r cynllun yn annog cludiant sy’n gyfeillgar i’r amgylchedd ac yn meithrin ymdeimlad o gymuned.
Yn y dyfodol bydd gweithdai fel gweithdy cynnal a chadw beiciau gyda’i fam lle byddai’n dysgu sut i wneud atgyweiriadau sylfaenol, fel gosod teiar fflat ac addasu’r brêcs. Mae hyn nid yn unig yn grymuso plant trwy eu dysgu i fod yn hunangynhaliol ond hefyd yn lleddfu pryderon rhieni ynghylch costau cynnal a chadw parhaus. Ar ôl ymgysylltu â rhieni a gwirfoddolwyr hefyd, byddai hyn yn helpu i greu rhwydwaith o gefnogaeth a phrofiadau a rennir.
Mae stori Ethan yn dyst i’r effaith sylweddol y gall mentrau cymunedol fel y cynllun “Beicio i Bawb” ei chael ar unigolion a theuluoedd. Trwy ddarparu beic i Ethan, mae’r cynllun nid yn unig wedi gwella ei fywyd ar y penwythnos, ond hefyd wedi cyfrannu at ei ddatblygiad corfforol, cymdeithasol ac emosiynol. I Sarah, mae’r rhaglen wedi bod yn gefnogaeth hanfodol, gan ddarparu ymdeimlad o ryddhad a chysylltiad cymunedol. Trwy raglenni o’r fath, gall cymunedau fynd i’r afael ag anghenion eu haelodau yn effeithiol, gan feithrin cynwysoldeb ac yn grymuso pawb.
Ar ddydd Sadwrn, 10fed Awst, ymunodd teuluoedd â Diwrnod Antur Hygyrch Awyr Agored MonLife yng Nghanolfan Awyr Agored Gilwern.
Roedd y diwrnod yn llawn o weithgareddau a fwynhawyd gan deuluoedd a swyddogion, gyda gwên yn amlwg ar wynebau pawb a fynychodd. Un o uchafbwyntiau’r diwrnod oedd sgwrs rhwng mab a’i dad. Clywyd y mab yn annog ei dad i “Dal yn dynn, Dadi!” wrth iddynt fwynhau’r abseilio.
Roedd y gweithgareddau, a addaswyd fel bod pawb yn gallu cymryd rhan, yn cynnwys abseilio, saethyddiaeth, chwarae dŵr, pentyrru cewyll, a llawer mwy.
Dywedodd y Cynghorydd Angela Sandles, Aelod Cabinet Cyngor Sir Fynwy dros Gydraddoldeb ac Ymgysylltu: “Roedd yn ddiwrnod gwych yng Nghanolfan Awyr Agored Gilwern. Roedd y diwrnod yn caniatáu i ni roi cyfle i deuluoedd ddod draw a chymryd rhan yn y gweithgareddau rhad ac am ddim sydd ar gael yn y ganolfan. . Bydd gweld pawb yn cymryd rhan gyda gwên yn aros gyda mi am amser hir yn fy nghof.”
Ariennir y prosiectau hyn yn rhannol gan Lywodraeth y DU drwy Gronfa Ffyniant Gyffredin y DU.
Mae Canolfan Awyr Agored Gilwern wedi’i lleoli yng Ngilwern, Y Fenni, ac mae wedi’i lleoli ger rhai o’r amgylcheddau awyr agored gorau y gallech fod am ddod o hyd iddynt unrhyw le yn y DU, gan gynnwys Afon Wysg, y Mynyddoedd Du a Bannau Brycheiniog ar garreg y drws. Ar y safle, mae llety cyfforddus gyda digon o le yn yr ardaloedd cymunedol i blant ddod at ei gilydd a dathlu eu cyflawniadau ar ôl diwrnod prysur o weithgareddau anturus.
Fel rhan o ddatblygu’r rhwydwaith Teithio Llesol ehangach ar gyfer ardal Cil-y-coed a Glannau Hafren, mae Cyngor Sir Fynwy (CSF) yn cynnig newid y cynllun a rheolaeth traffig ar gyfer Ffordd Woodstock yng nghanol Cil-y-coed i wella cysylltiadau teithio llesol i ac o Ysgol Cil-y-coed, Canolfan Hamdden Cil-y-coed a chyrchfannau lleol eraill. Yn amodol ar gyllid, bydd camau diweddarach yn gwella cysylltiadau teithio llesol pellach ar draws ardal Glannau Hafren yn ne Sir Fynwy.
Gwaith adeiladu
Cam 1 y rhaglen hon yw darparu mannau croesi mwy diogel a rheoli traffig ar Ffordd Woodstock yn effeithlon. Mae Cyngor Sir Fynwy wedi penodi’r contractwyr Centregreat i osod cam 1 cynllun teithio llesol Ffordd Woodstock. Bydd y gwaith adeiladu yn dechrau ar 17 Mawrth 2025. Ariennir y cynllun hwn drwy Gronfa Teithio Llesol Llywodraeth Cymru.
Mae’r ardal a gwmpesir gan y cynllun fel yr ymgynghorwyd arni bellach wedi’i lleihau i gwmpasu’r rhan o Ffordd Woodstock o gyffordd Lôn y Felin i’r groesfan ger Aldi. Mae’r newid hwn oherwydd amgylchiadau annisgwyl sydd wedi effeithio ar y cynllun a’r rhaglen waith. Bu’n rhaid cyfyngu cwmpas y rhaglen waith adeiladu bresennol i sicrhau bod ailfodelu cyffordd ac adeiladwaith croesfannau mwy diogel yn cael eu cyflawni.
Rydym yn gweithio ar yr un pryd ar gynlluniau cysylltu ar draws Glannau Hafren, ac yn bwriadu dilyn y cynllun hwn gyda gwelliannau teithio llesol i Lôn y Felin, sy’n arwain o Ffordd Woodstock i fynedfa Ysgol Cil-y-coed, y ganolfan hamdden a maes parcio ‘Park & Stride’, Ysgol Gynradd Durand a chartrefi yn de-ddwyrain Cil-y-coed.
Datblygir y cynigion hyn mewn ymateb i faterion ac anghenion lleol a nodwyd gan y Cyngor Sir a sefydliadau lleol eraill. Mae angen llwybrau a mannau croesi mwy diogel ar gyfer cerdded a beicio, gyda rheolaeth well ar gyflymder y traffig, tagfeydd a pharcio peryglus, yn enwedig yn ystod amseroedd gollwng a chasglu plant, gyda’r nod o wella diogelwch ac ansawdd yr amgylchedd ar gyfer pobl leol a’r rhai sy’n teithio o amgylch Ffordd Woodstock.
Ein nod yw ei gwneud hi’n haws gwneud teithiau byr, lleol trwy ddulliau cynaliadwy a gweithgar. Gall cerdded, olwyno a beicio i gyrchfannau (a elwir hefyd yn Teithio Llesol) gael effaith gadarnhaol ar iechyd corfforol a meddyliol, y gallu i ddysgu a chanolbwyntio, ac agor mynediad fforddiadwy i siopau a gwasanaethau lleol, cyflogaeth, addysg a chyrchfannau diwylliannol, a chysylltiadau trafnidiaeth gyhoeddus. Gweler mwy yma Caldicot – Monlife
Ymgynghoriad
Amlygodd ymgynghoriad hanesyddol â rhanddeiliaid lleol risgiau a rhwystrau i deithio llesol yn ardal Ysgol Cil-y-coed ac ardal Woodstock Way, gan arwain at ddyluniad cynllun teithio llesol Woodstock Way. Cynhaliwyd ymgynghoriad ar ddyluniad manwl cam 1 rhwng 27ain Awst a’r 25ain Medi 2024. Addaswyd rhai manylion am y dyluniad mewn ymateb i ymatebion i’r ymgynghoriad.
Ymgynghoriad Teithio Llesol Ffordd Woodstock, Awst – Medi 2024
Edrychodd cyfanswm o 72 o bobl yn fanwl ar y cynigion ac ymateb i’n ymgynghoriad, naill ai yn y digwyddiad wyneb yn wyneb ar 25 Medi 2024 neu drwy’r arolwg ar-lein, oedd ar-lein rhwng 27 Awst a 27 Medi 2024.
Yn ogystal â’r arolwg ar-lein, oedd ar gael i’r cyhoedd yn gyffredinol, cafodd fersiwn o’r arolwg gyda mân ddiwygiadau ei ddosbarthu i fyfyrwyr Ysgol Cil-y-coed a chafwyd 183 ymateb i’r arolwg ysgol.
O’r arolwg ysgol: Cafwyd ymateb cadarnhaol iawn i’r holl opsiynau a gynigiwyd, gyda mwy o fyfyrwyr yn meddwl y byddai’r newidiadau a gynigir yn cael effaith gadarnhaol yn hytrach nag effaith negyddol. Yn arbennig, cafodd ail-ddylunio Ffordd Woodstock a’r mannau croesi a gynigir ar gyffordd Lôn y Felin fwyafrif o ymatebion yn dweud y byddai’r newidiadau hyn yn cael effaith gadarnhaol.
O’r arolwg cyhoeddus: Drwyddi draw, roedd 63% o ymatebwyr yn ‘cytuno’ neu yn ‘cytuno yn gryf’ fod wyneb y droedffordd o amgylch Ffordd Woodstock yn is na’r safon. Roedd 53% o’r ymatebwyr yn ‘cytuno’ neu’n ‘cytuno yn gryf’ fod mannau croesi yn yr ardal yn is na’r safon. Dywedodd ychydig dros 30% o ymatebwyr nad oeddent yn teimlo’n ddiogel yn cerdded drwy’r ardal ar hyn o bryd oherwydd y seilwaith gwael neu gyflymder a nifer y cerbydau modur a dywedodd 32% o ymatebwyr y byddai’r gwelliannau yn gwneud iddynt deimlo’n fwy diogel a chysurus yn defnyddio Ffordd Woodstock.
Dywedodd bron 14% o ymatebwyr y byddai’r gwelliannau yn gwneud iddynt newid eu dull trafnidiaeth presennol.
Roedd y sylwadau cadarnhaol am y cynllun yn cynnwys y byddai rhoi croesiad yng nghyffordd Ffordd Woodstock a Lôn y Felin yn welliant, yn arbennig ar gyfer plant ysgol sy’n ceisio croesi’r ffordd yn y lleoliad hwn. Cyfeiriodd nifer o ymatebwyr at broblemau yn gysylltiedig gyda’r sefyllfa bresennol amser mynd i’r ysgol a gadael yr ysgol.
Credai rhai ymatebwyr y byddai ail-ddylunio Ffordd Woodstock yn cael canlyniadau negyddol yn hytrach na chadarnhaol. Roedd pryder gan rai am yr angen am y cynllun a’i gyllid, y potensial ar gyfer gwrthdaro rhwng defnyddwyr llwybr, yr effaith ar barcio preswylwyr a phosibilrwydd tagfeydd traffig neu golli lled ffordd. Byddwn yn trafod y pryderon hyn drwy’r dyluniad manwl, gan ddefnyddio arfer gorau a dadansoddi effaith y safle lleol. Mae manylion pellach yn yr adran adborth isod.
Themâu adborth
Cafwyd cyfanswm o 57 o sylwadau ansoddol o’r ymgynghoriad cyhoeddus ehangach a chafwyd 30 arall o sylwadau ansoddol gan fyfyrwyr ysgol. Mae’r tabl isod yn crynhoi’r sylwadau ansoddol dan benawdau thematig ac yn rhoi ymateb i bryderon a ddynodwyd.
Thema adborth o’r arolwg ymgynghoriad cyhoeddus
Maint yr ymateb
Ein hymateb
Nid oes angen y cynllun
12
Nod y cynllun yw gwella llwybrau teithio llesol sy’n gwasanaethu Ysgol Cil-y-coed a Chanolfan Hamdden Cil-y-coed i roi rhwydwaith cydlynol o lwybrau fydd yn integreiddio ac ategu cynlluniau teithio eraill a chynlluniau adfywio yng Nghil-y-coed. Mae angen y cynllun i wella diogelwch Ffordd Woodstock ac ateb anghenion teithio pobl yr ardal mewn modd cynaliadwy. Caiff ei gynllunio i fynd i’r afael â phroblemau lluosog mewn dull sy’n effeithiol o ran cost, yn fwy holistig ac yn tarfu llai na’u trin yn unigol. Mae achos busnes Cyngor Sir Fynwy ar gyfer y cynllun hwn wedi sicrhau cyllid ac wedi dangos ei fod yn ateb nodau Cronfa Teithio Llesol Llywodraeth Cymru.
Ni fydd y cynllun yn annog teithio llesol
2
Mae’r cynllun yn mynd i’r afael â phroblemau ar Ffordd Woodstock a gafodd eu dynodi drwy’r achos busnes, tebyg i bryderon diogelwch am fannau croesi, lled annigonol y droedffordd a safon wael y wyneb. Mae’r materion hyn yn debygol o atal cerddwyr, olwynwyr neu seiclwyr posibl a fyddai’n defnyddio teithio llesol pe byddai’r problemau hyn yn cael eu datrys. (Dywedodd 47% o ymatebwyr y byddai’r cynllun yn eu hannog i gerdded, olwyno neu seiclo).
Dylid gwario’r arian ar bethau eraill
6
Cafwyd yr arian ar gyfer datblygu ac adeiladu’r cynllun hwn o Gronfa Teithio Llesol Llywodraeth Cymru. Mae hwn yn arian Llywodraeth Cymru a gafodd ei neilltuo i ariannu datblygu a gweithredu cynlluniau teithio llesol. Ni fedrir defnyddio’r gronfa ar gyfer unrhyw ddibenion eraill.
Rwy’n bryderus y bydd y gwaith adeiladu yn tarfu
2
Bydd Cyngor Sir Fynwy yn dyfarnu gwaith adeiladu’r cynllun i gontractwr yn seiliedig ar elfennau safon a phris. Bydd yr elfennau ansawdd yn cynnwys gwybodaeth fanwl am y dull adeiladu ac amseru. Bydd y sgôr a roddir am y dull adeiladu yn rhoi ystyriaeth i’r amseru a ddefnyddir gan y contractwr a’r mesurau lliniaru a ddisgrifir ganddynt. Caiff yr effeithiau ar breswylwyr lleol a mynediad i eiddo preifat ei leihau gymaint ag sy’n bosibl.
Bydd y cynllun yn cynyddu tagfeydd traffig a’i gwneud yn fwy anodd i yrru drwy Gil-y-coed
7
Cafodd effaith gosod signalau ar y gyffordd ar draffig eu profi yn defnyddio model signalau traffig a symudiadau presennol cerddwyr, beiciau a cherbydau drwy’r gyffordd ar adegau brig. Dengys canlyniadau’r model y byddai gosod signalau ar y gyffordd yn rhwydd o fewn capasiti gan ragweld uchafswm hyd ciwiau o 4 cerbyd ac uchafswm oedi o lai na 1 munud fesul cerbyd. Mae’r effeithiau ar draffig o osod signalau ar y gyffordd hefyd yn debyg o ostwng dros gyfnod fel canlyniad i’r gwelliannau teithio llesol annog pobl i symud o gerbydau i gerdded, seiclo ac olwyno ar gyfer teithiau beunyddiol byr. Dengys arsylwadau ac arolygon ar y safle y caiff y symudiadau croesfan eu gwasgaru ar hyd pob braich o’r gyffordd yn ogystal ag yn lletraws ar draws Ffordd Woodstock, gan gadarnhau’r angen am gyfnod traffig coch-i-gyd i ddarparu ar gyfer yr holl symudiadau croesi cerddwyr a beiciau. Bydd y signalau traffig hefyd yn atal cerbydau rhag stopio wrth geg y gyffordd i ganiatáu i fyfyrwyr ysgol adael. Mae hyn yn digwydd ar hyn o bryd gan achosi mwy o dagfeydd a dryswch a chynyddu’r potensial ar gyfer damweiniau.
Rwy’n bryderus am yr effaith ar barcio ar gyfer preswylwyr
3
Bydd parcio yn dal i fod ar gael i breswylwyr barcio ar Ffordd Woodstock a Lôn y Felin. Mae’r unig newidiadau yn digwydd yn agos iawn at gyffordd Lôn y Felin lle caiff llinellau melyn dwbl eu hymestyn ar hyd Ffordd Woodstock i hwyluso gweithredu’r gyffordd gyda signalau, gan wella gwelededd ar gyfer gyrwyr sy’n gadael o Lôn y Felin. Cedwir mynediad i dramwyfeydd preswyl ar Ffordd Woodstock a Lôn y Felin.
Rwy’n bryderus am lwybrau rhannu defnydd
3
Mae’r gwelliannau a gynigir yn lledu’r troedffyrdd i isafswm o dair metr i roi llwybrau i’w rhannu ar gyfer cerddwyr a seiclwyr. Nid oes digon o led i ddarparu cyfleusterau ar wahân i gerddwyr a seiclwyr heb effeithio ar y gofod ffordd sydd ar gael ar gyfer llif dwy ffordd ar gyfer cerbydau a pharcio preswylwyr. Cafodd llwybrau rhannu defnydd eu defnyddio yn llwyddiannus iawn mewn mannau eraill yn y sir. Cynlluniwyd y llwybr rhannu defnydd a gynigir i fod yn dair metr o led, yn unol â chanllawiau Teithio Llesol. Mater i’r heddlu yw defnydd anghyfreithlon o lwybrau teithio llesol gan feiciau modur ac e-sgwteri a dylid hysbysu’r heddlu amdanynt drwy ffonio 111.
Bydd y cynigion yn cynyddu diogelwch yn y gyffordd
5
Nodwyd y sylwadau – diolch
Mae angen mannau croesi ychwanegol ar Ffordd Woodstock a chânt eu croesawu
16
Nodwyd y sylwadau – diolch
Ystyried adeiladu llwybr arall ar gyfer plant ysgol i ddod allan ar Ffordd Woodstock
3
Mae hyn yn rhan o gam gwelliannau yn y dyfodol fel rhan o brosiect ehangach Cyswllt Addysg a Hamdden Cil-y-coed.
Pam nad ydych chi wedi ystyried symud y safle bws ar Lôn y Felin?
1
Cafodd ailddylunio neu symud y gilfan bws ar Lôn y Felin ill dau eu hystyried fel rhan o’ rhestr hir o opsiynau yn ystod WelTAG Cam 1 a’r opsiynau ar y rhestr fer yn ystod WelTAG Cam 2. Fodd bynnag, dangosodd dyluniad cysyniad yr opsiynau hyn y byddai symud y gilfan bws yn ei gwneud yn angenrheidiol i roi darpariaeth ar gyfer bysus ysgol mewn man arall a phenderfynwyd fod yr holl opsiynau a ddynodwyd yn cynnig llai o fuddion o ran nifer lleoedd, agosatrwydd a hygyrchedd at yr ysgol a chostau adeiladu uwch.
Dylai’r arian fynd tuag at dalu am lwybr i Fagwyr/Rogiet/Gwndy.
4
Mae Cyngor Sir Fynwy yn datblygu rhwydwaith teithio llesol ar gyfer y boblogaeth gynyddol yn ardal Glannau Hafren, gydag ystod o gynlluniau a mân weithiau yn cael eu cyflwyno fel mae cyllid a phrosesau yn caniatáu. Gelwir hyn yn Gynllun Teithio Llesol Glannau Hafren. Mae cynllun Cam 1 Cyswllt Addysg a Hamdden Cil-y-coed yn rhan allweddol o Gynllun Teithio Llesol Glannau Hafren. Mae mwy o wybodaeth ar gael yma:: https://www.monlife.co.uk/cy/outdoor/active-travel/trosolwg-cynllun-strategol-cil-y-coed/
Mae hyn yn wahanol i gynigion blaenorol y bu ymgynghori arnynt
1
Nid yw’r cynigion ar gyfer Ffordd Woodstock wedi newid yn sylweddol ers datblygu’r opsiwn hwn. Cyflwynwyd opsiynau tebyg ar gyfer cyffordd Ffordd Woodstock a Lôn y Felin a lledu troedffyrdd ar hyd Ffordd Woodstock yn ystod yr ymgynghoriad cyhoeddus ym mis Hydref 2022. Fodd bynnag, roedd yr ymgynghoriad blaenorol yn gofyn am farn preswylwyr ar opsiynau a ystyriwyd ar gyfer prosiect ehangach Cyswllt Addysg a Hamdden Cil-y-coed.
Cyfanswm sylwadau unigryw
87
Trosolwg – cynnig Cam 1
Bydd cam 1 o Gynllun Addysg Teithio Llesol Cil-y-coed yn uwchraddio llwybrau teithio llesol a chroesfannau ar hyd Ffordd Woodstock i fynd i’r afael â materion diogelwch, ansawdd llwybrau a thagfeydd. Bydd y gwelliannau i lwybrau yn y cam hwn yn cysylltu â chynllun Teithio Llesol ehangach Glannau Hafren sydd i’w gwneud yn ddiweddarach. Mae’r adran hon wedi’i symud ymlaen ar frys oherwydd ei bod yn llwybr mawr i wasanaethau lleol pwysig, gan gynnwys Ysgol Cil-y-coed, Meddygfa Gray Hill, y Llyfrgell a’r Ganolfan Hamdden. Mae’r ardal a gwmpesir gan y cynllun fel yr ymgynghorwyd arni bellach wedi’i lleihau i gwmpasu’r rhan o Ffordd Woodstock o gyffordd Lôn y Felin i’r groesfan ger Aldi.
Lledu ac ail-wynebu llwybr troed ochr ddeheuol Ffordd Woodstock o gyffordd Lôn y Felin i’r groesfan y tu allan i Aldi i wneud llwybr teithio llesol 3 metr o led o led a rennir.
Gosod goleuadau traffig gyda chyfleusterau croesi Twcan clyfar ar gyffordd Lôn y Felin ar Ffordd Woodstock (ger Meddygfa Gray Hill/Ysgol Cil-y-coed) i wella diogelwch llif traffig (cerbydau a theithio llesol). Mae hyn yn cynnwys tair croesfan ochrol a chroesfan groeslinol o Cwrt Norman i gornel Ysgol Gray Hill/Cil-y-coed, er mwyn rheoli prif lif y traffig teithio llesol yn effeithlon ar adegau prysur.
Culhau ac ail-wynebu troedffordd ochr ddeheuol Ffordd Woodstock o Heol Durand i Lôn y Felin i – o leiaf – lled o 1.5 metr. Bydd hyn yn caniatáu lledu’r palmant gyferbyn.
Trosi croesfan Pâl bresennol (arwyddol, i gerddwyr yn unig) y tu allan i Aldi yn groesfan Twcan (signal, cerdded a beicio).
Ail-leoli safleoedd bysiau Meddygfa Gray Hill (ochr ogleddol a de) i’r dwyrain ar hyd Ffordd Woodstock, tuag at y llwybr i gerddwyr i ganol y dref, ac i ffwrdd o gyffordd Lôn y Felin.
Uwchraddio llochesi bws i gynnwys byrddau gwybodaeth a tho gwyrdd (sedum).
Cael gwared ar safle bws Aldi (ochr ddeheuol) gan y byddai safle bws Gray Hill yn cael ei symud yn nes.
Arwyddion i nodi gorchymyn traffig i atal Cerbydau Nwyddau Trwm rhag troi oddi ar Ffordd Woodstock tua’r de i Lôn y Felin (bysiau wedi’u heithrio).
Integreiddio palmentydd botymog, cyrbiau isel ac arwyddion drwy’r cyfan i wella gwelededd y llwybr, a mynediad i bobl anabl.
Diweddaru maricau ffordd.
Llun: Ffordd Woodstock a’r ardal leol
Ymgynghoriad
Amlygodd ymgynghoriad hanesyddol â rhanddeiliaid lleol risgiau a rhwystrau i deithio llesol yn ardal Ysgol Cil-y-coed ac ardal Woodstock Way, gan arwain at ddyluniad cynllun teithio llesol Woodstock Way. Cynhaliwyd ymgynghoriad ar ddyluniad manwl cam 1 rhwng 27ain Awst a’r 25ain Medi 2024. Addaswyd rhai manylion am y dyluniad mewn ymateb i ymatebion i’r ymgynghoriad.
Lluniau o’r cynllun
I gynyddu/lleihau maint y diagram, cliciwch ar y botymau plws/’+’ a minws/’-‘ yn y bar ar frig ffenestr y diagram. I symud ar draws ac i fyny/i lawr, llusgwch y llithryddion ar draws ochr waelod ac ochr dde’r ffenestr diagram. I agor y diagram fel tudalen lawn, cliciwch ar y ddolen o dan ffenestr y diagram. Bydd hyn yn agor y diagram mewn ffenestr newydd, gyda’r un rheolyddion cynyddu/lleihau a symud ag a ddisgrifir uchod. Gallwch hefyd lawrlwytho’r ddelwedd trwy glicio ar ‘Download’
Cwestiynau ac Atebion, Cynllun Addysg Teithio Llesol Cil-y-coed, Ffordd Woodstock
Beth yw Teithio Llesol?
Mae Teithio Llesol yn derm a ddefnyddir i ddisgrifio cerdded, olwyno neu feicio i gyrchfan (a elwir hefyd yn “deithiau pwrpasol”). Nid yw’n cynnwys cerdded a beicio a wneir ar gyfer hamdden yn unig, er y gallai wella gweithgareddau hamdden yn sylweddol trwy helpu i gysylltu rhwydweithiau. Gellir defnyddio teithio llesol i gyrraedd yr ysgol, gwaith, gwasanaethau a siopau, neu fel un o sawl dull teithio ar daith hirach – er enghraifft, cerdded i’r orsaf i ddal bws neu drên. Mae strategaeth teithio llesol Cyngor Sir Fynwy yn canolbwyntio ar deithiau o dair milltir neu lai, sy’n golygu gwella seilwaith cerdded a beicio o fewn cymunedau, i wneud teithio llesol y dewis naturiol cyntaf ar gyfer teithiau lleol.
Ariennir y cynllun hwn drwy Gronfa Teithio Llesol Llywodraeth Cymru, gyda chyllid yn cael ei ddyfarnu drwy broses geisiadau gystadleuol. Mae’r cyllid a geir yn benodol i’r cynllun ac ni ellir ei wario ar unrhyw beth arall.
Pam fod angen y cynllun hwn?
Mae angen y cynllun hwn i wella diogelwch Ffordd Woodstock a diwallu anghenion teithio pobl yr ardal yn gynaliadwy. Fe’i cynlluniwyd i fynd i’r afael â materion lluosog, mewn ffordd sy’n gost-effeithlon, yn fwy cyfannol ac yn llai aflonyddgar na mynd i’r afael â nhw’n unigol. Mae achos busnes Cyngor Sir Fynwy (CSF) ar gyfer y cynllun hwn wedi sicrhau cyllid ac yn ceisio sicrhau’r canlyniadau mwyaf buddiol, trwy ei ffocws strategol ar gysylltiadau teithio llesol i addysg a gwasanaethau, sydd yn yr ardal hon yn cynnwys Ysgol Cil-y-coed, Canolfan Hamdden, meddygfa, canol y dref a’r Llyfrgell/Hwb.
Mae Ffordd Woodstock yn ffordd brysur lle mae digwyddiadau peryglus ar y ffyrdd yn ymwneud â myfyrwyr Ysgol Cil-y-coed wedi cael eu hadrodd, a gwelwyd lefelau traffig uchel yn ystod cyfnodau brig gan achosi tagfeydd a phryderon diogelwch. Mae dyluniad yr ardal yn effeithio ar sut mae pobl yn teithio, a diogelwch ac atyniad y profiad hwnnw.
Ein gweledigaeth ar gyfer yr ardal yw un lle mae gan bobl fynediad teg a chyfleus at yr opsiynau teithio a thrafnidiaeth sydd fwyaf addas ar gyfer pob taith, a thrwy hynny wella cysylltedd a lleihau’r anghydraddoldebau a grëir gan orddibyniaeth ar yrru. Mae ychydig dros un o bob pump oedolyn yn Sir Fynwy yn ordew, ac nid yw mwy na thraean yn gwneud digon o weithgarwch corfforol (ffynhonnell: Sefydliad Prydeinig y Galon 2023). Cydnabyddir yn gyffredinol bod angen gwella llwybrau cerdded a beicio fel bod teithio llesol (cerdded, olwyno a seiclo ar gyfer teithiau pwrpasol) yn opsiwn deniadol a dichonadwy, oherwydd mae hynny’n dylanwadu ar sut ydym yn ‘dewis ein dull teithio’ a’n arwain at sgil-effaith economaidd drwy ganlyniadau i’n hiechyd a’n lles, yr amgylchedd ac ansawdd yr ardal leol.
Er mwyn deall ymhellach y materion teithio a thrafnidiaeth lleol o amgylch Ffordd Woodstock, gwnaethom ymgysylltu â’r prif ffynonellau traffig lleol (o unrhyw fodd, h.y. gyrwyr a defnyddwyr trafnidiaeth gyhoeddus a theithio llesol). Yn 2020-2022, comisiynodd Amey Consulting gan CSF i astudio’r ardal o amgylch Ysgol a Chanolfan Hamdden Cil-y-coed. Mae sgyrsiau wedi eu cynnal gyda meddygfa Gray Hill. Ymgynghorwyd â defnyddwyr y ganolfan hamdden yn 2020. Ymgynghorwyd â myfyrwyr Ysgol Cil-y-coed yn 2021 ar faterion a wynebwyd wrth gymudo i’r ysgol. Soniwyd yn rheolaidd am beryglon, yn ymwneud â phalmentydd cul, traffig cerbydau nwyddau trwm, parcio anghymdeithasol a thagfeydd yn ystod amseroedd casglu a gollwng o’r ysgol. Soniodd myfyrwyr am isadeiledd cyfyng ac anwastad i gerddwyr a phalmentydd anhygyrch, gyda diffyg cyrbiau isel i ddefnyddwyr cadeiriau olwyn hyd yn oed yn eu gorfodi i ddefnyddio’r ffordd. Nodwyd hefyd bod llwybrau beicio yn annigonol ac yn anghyson. Mae’r lefel uchel o draffig yn ei gwneud hi’n anodd beicio ar y ffyrdd heb gyfleusterau ar wahân. Roedd croesi ffyrdd yn anhawster arall a wynebwyd gan ddisgyblion Cil-y-coed, boed yn cerdded, olwyno neu’n beicio, oherwydd lefel a chyflymder y traffig. Amlygodd yr ymatebion yr angen am groesfan ar Ffordd Woodstock ar gornel Lôn y Felin, gan fod y groesfan ffurfiol agosaf yn rhy bell o’r ysgolion ac nad yw’n gwasanaethu traffig teithio llesol o dde a gorllewin Cil-y-coed trwy Ffordd Woodstock a Chwrt Norman. Roedd ffactorau eraill a ddylanwadodd ar y defnydd o deithio llesol i gyrraedd yr ysgol yn cynnwys pwysau amser, pellter, amodau tywydd ac agwedd gymdeithasol cymudo gyda chyfoedion.
O astudiaeth o’r ardal ehangach, mae’r materion penodol hyn ar Ffordd Woodstock:
Pryderon diogelwch mawr yn gysylltiedig â myfyrwyr yn croesi ar y gyffordd i bob cyfeiriad. Gwelededd gwael i yrwyr ar gyffordd Lôn y Felin oherwydd gor-barcio ar Ffordd Woodstock
Lled llwybr troed annigonol yn y safle bws gyferbyn â Meddygfa Gray Hill, gan olygu bod disgyblion yn rhwystro’r llwybr troed ac yn gorlifo ar y ffordd gerbydau.
Cyfyngiad lled y llwybr troed ac ansawdd arwyneb gwael
Diffyg arwyddion angenrheidiol ar Ffordd Woodstock
Gwelwyd croesfannau/parcio anrhagweladwy hefyd. Yna paratôdd yr ymgynghorwyr y cynllun arfaethedig fel Achos Busnes Llawn, yn seiliedig ar ystod o dystiolaeth gan gynnwys cyfweliadau, arsylwi, arolygon traffig (gan gynnwys cyfrif y sawl sy’n cerdded a beicio) ac astudiaethau o trefniadau draenio, topograffeg, perchnogaeth tir ac ati, i fodloni amcanion y Cyngor a’r Gronfa Teithio Llesol.
Llun: Lluniau o weithdai rhanddeiliaid Amey ac ymweliad safle
Mae’r cynllun hwn wedi’i ddylunio o amgylch yr ymgynghoriad hwn, a ddangosodd fod angen gwelliannau i’r seilwaith diogelwch a theithio llesol. Y tu hwnt i fesurau diogelwch a rheoli traffig, mae angen llwybrau teithio llesol o ansawdd uchel i gefnogi pawb, gan gynnwys myfyrwyr, i fyw bywydau egnïol, iach a chysylltiedig.
Pam fod Ffordd Woodstock wedi cael ei flaenoriaethu dros gynlluniau eraill?
Gellir bwrw ymlaen â nifer cyfyngedig o gynlluniau bob blwyddyn. Sicrhawyd cyllid ar gyfer y cynllun hwn eleni, gan fod y gwaith ymchwil a dylunio wedi cyrraedd y cam angenrheidiol ar gyfer ymgynghori a gweithredu. Nodwyd Ffordd Woodstock fel llwybr cerdded/olwyn a beicio yn ymgynghoriad ATNM (Map Rhwydwaith Teithio Llesol Llywodraeth Cymru) yn 2020-2021. Mae’n llwybr Effaith Sylweddol Iawn ar offeryn effaith llwybr Trafnidiaeth Cymru, yn seiliedig ar ei leoliad canolog a’i agosrwydd at ysgolion a gwasanaethau eraill, ac mae hyn yn tanlinellu’r angen i fynd i’r afael â materion diogelwch ar y llwybr fel mater o frys.
Rydym yn adeiladu rhwydwaith o lwybrau ledled y Sir. Mae Ffordd Woodstock a’i chyffordd â Lôn y Felin wedi’i flaenoriaethu fel cynllun teithio llesol oherwydd ei fod yn brif lwybr i Ysgol Cil-y-coed, gyda risgiau’n gysylltiedig ag amseroedd dechrau a gorffen ysgolion, ond mae hefyd yn llwybr canol tref i gyrchfannau eraill sy’n denu traffig, boed hynny ar droed, olwyno, beicio, sgwter symudedd, bws neu gerbyd preifat. Mae cyrchfannau yng nghyffiniau’r ffordd ganolog hon yn cynnwys Meddygfa Gray Hill, canol y dref, safleoedd bysiau, y ganolfan hamdden, Llyfrgell/Hwb a TogetherWorks, archfarchnadoedd, meysydd parcio a gwasanaethau lleol eraill, ac mae traffig trwodd a theithiau hamdden i’w hystyried hefyd.
Mae cynllun Ffordd Woodstock wedi’i neilltuo ac wedi’i gyfyngu gan arian o Gronfa Teithio Llesol Llywodraeth Cymru ar gyfer blwyddyn ariannol 2024-25. Llwyddodd CSF i sicrhau cyllid gan Lywodraeth Cymru ar gyfer y cynllun hwn drwy flaenoriaethu llwybrau canolog, potensial uchel ger ysgolion, canolfannau trafnidiaeth a gwasanaethau eraill. Mae’r llwybr hwn wedi’i flaenoriaethu oherwydd y materion diogelwch, ac oherwydd ei fod yn bodloni’r meini prawf i wneud y mwyaf o effaith buddsoddiad mewn teithio llesol.
Pryd fydd y llwybr yn cael ei adeiladu?
Mae Cyngor Sir Fynwy yn bwriadu bwrw ymlaen â’r prosiect hwn yn dilyn ymgynghoriad cyhoeddus a rhanddeiliaid, diwygio’r dyluniadau wedi hynny a phroses dendro lwyddiannus.
Sut bydd y cynllun yn cael ei ariannu?
Mae’r cynllun i’w ariannu drwy Gronfa Teithio Llesol Llywodraeth Cymru. Mae’r ffrwd ariannu hon wedi’i chlustnodi i wella’r seilwaith teithio llesol o fewn aneddiadau mwy. Mae gwelliannau i’r seilwaith teithio llesol yn cefnogi meysydd polisi eraill, megis iechyd a lles, ansawdd aer, diogelwch ar y ffyrdd, y Ddyletswydd Economaidd Gymdeithasol a chreu lleoedd/adfywio. Mae’r cyllid yn cael ei weinyddu gan Trafnidiaeth Cymru ar sail gystadleuol, lle mae Cyngor Sir Fynwy wedi gwneud cais am y cyllid i wella ardal Cil-y-coed ac ardal ehangach Glannau Hafren, gan greu mynediad diogel a theg at drafnidiaeth gynaliadwy ar gyfer teithiau bob dydd yng Nglannau Hafren.
Amcanion grant y Gronfa Teithio Llesol, a ddefnyddir i asesu ceisiadau am arian
Annog newid dull teithio o gar i deithio llesol ar wahân neu ar y cyd â thrafnidiaeth gyhoeddus
Gwella mynediad teithio llesol i gyflogaeth, addysg, gwasanaethau allweddol a chyrchfannau allweddol eraill sy’n cynhyrchu traffig
Cynyddu lefelau teithio llesol
Cysylltu cymunedau
A sicrhawyd grantiau ar gyfer y cynigion?
Mae cyllid wedi’i sicrhau mewn egwyddor i gwblhau’r gwaith arfaethedig yn ystod y flwyddyn ariannol hon yn dilyn cyfnod o ymgynghori ac unrhyw newidiadau dylunio dilynol. Mae’r cyllid hwn wedi’i gyfyngu gan amser ac wedi’i neilltuo.
Beth am weddill yr ardal – a yw hyn yn golygu bod cynlluniau eraill yng Nglannau Hafren yn cael eu dad-flaenoriaethu?
Mae Cyngor Sir Fynwy yn datblygu rhwydwaith teithio llesol ar gyfer y boblogaeth gynyddol ar draws ardal Glannau Hafren, gydag amrywiaeth o gynlluniau a mân waith yn cael eu dwyn ymlaen fel y bydd cyllid a phrosesau’n caniatáu. Gelwir hyn yn Gynllun Teithio Llesol Glannau Hafren. Amlygodd yr arolwg o fyfyrwyr Ysgol Cil-y-coed yn 2022 hefyd yr angen am lwybrau teithio llesol diogel ac ymarferol yn cysylltu â Chil-y-coed ar gyfer y gwasanaethau sy’n cael eu rhannu ar draws Glannau Hafren fel yr ysgol uwchradd, y llyfrgell a’r ganolfan hamdden. Mae CSF yn gweithio drwy Fap Rhwydwaith Teithio Llesol Llywodraeth Cymru a Chronfa Teithio Llesol i ddiogelu opsiynau teithio a thrafnidiaeth ar gyfer trigolion Cil-y-coed, Crug, Caerwent, Porthsgiwed, Gwndy, Rogiet a Magwyr, a chefnogi teithio cynaliadwy i mewn ac allan o’r ardal.
Mae map teithio llesol Glannau Hafren (isod) yn arwydd o’r meysydd ffocws cyffredinol wrth i ni ddatblygu llwybrau i gyrchfannau canolog yng Nglannau Hafren. Dangosir cynllun Ffordd Woodstock ar y map fel 6. Cynllun Addysg Cam 1 (llinell goch). Dangosir llwybrau ar y map at ddibenion enghreifftiol ac nid ydynt yn diffinio’r cynllun rhwydwaith terfynol. Mae rhannau eraill o rwydwaith teithio llesol cyffredinol Glannau Hafren mewn camau datblygu cynharach, a byddwn yn diweddaru’r map pan fydd aliniadau llwybr wedi’u sefydlu. Bydd cysylltiadau drwy ganol tref Cil-y-coed yn destun astudiaeth ar wahân.
Pam Ffordd Woodstock ac nid Heol Casnewydd?
Roedd Heol Casnewydd yn destun cyfnod prawf o gau yn ystod hydref 2022, a dangosodd ymgynghoriad ar y cynllun yn dilyn y treial hwn yr awydd cryf i’r ffordd aros ar agor i draffig trwodd dwy ffordd. Nid yw’r lle sydd ar gael ar y ffordd gerbydau yn caniatáu gwelliannau sylweddol i’r seilwaith cerdded a beicio ar ei hyd. Cyflwynwyd cynnig ariannu i ail-ddylunio’r ffordd yn wyneb canlyniadau’r ymgynghoriad a gwelliannau i gerddwyr lle bo modd. Yn anffodus ni chefnogwyd hyn gan y corff cyllido.
Yn ystod y cynnydd ar Heol Casnewydd, roedd cynllun ar wahân ar y gweill yn edrych ar welliannau o amgylch Ffordd Woodstock a Lôn y Felin, gan gynnwys gwella cyfleusterau croesi i gerddwyr yng nghyffiniau’r ysgol. Cafodd y cynllun hwn sylw’r cyllidwyr a dyma’r hyn a gyflwynir yma nawr.
A fydd traffig yn cael ei ddargyfeirio i Heol Casnewydd?
Bydd Ffordd Woodstock yn parhau i fod ar agor i draffig dwy ffordd a bydd lled y ffyrdd yn aros o fewn safonau. Ni ragwelir unrhyw effaith ar draffig cerbydau modur gyda’r terfyn cyflymder presennol o 20mya.
Sut bydd hyn yn effeithio ar barcio?
Bydd ffordd leol yn culhau o amgylch cyffordd Ffordd Woodstock/Lôn y Felin wrth y groesfan newydd â signalau. Mae dadansoddiad tracio cerbydau wedi sefydlu dichonoldeb y lled ffyrdd arfaethedig. Er mwyn gwneud y mwyaf o lefydd parcio o fewn yr ailgynllunio, ac fel mesur diogelwch, bydd Gorchymyn Rheoleiddio Traffig (TRO) newydd yn atal lorïau mawr iawn rhag mynd i mewn i Lôn y Felin.
Bydd y cyfyngiad safonol ar barcio anffurfiol yng nghyffiniau cyffyrdd, yn unol â Rheolau’r Ffordd Fawr, yn cael ei gynnal i ganiatáu llinellau gweld diogel o amgylch y croesfannau. Bydd mynediad i dramwyfeydd preswyl ar Ffordd Woodstock yn cael ei gynnal.
Mae yna lawer o leoedd parcio i ymwelwyr ar Ffordd Woodstock, gyda maes parcio di-dâl CSF ar Ffordd Woodstock a meysydd parcio Asda ac Aldi. Yn ogystal â chefnogi gwell defnydd o gapasiti ym maes parcio Cyngor Sir Fynwy drwy wella’r llinellau gweld mynedfa ar Ffordd Woodstock, nod y cynllun yw annog newid moddol (trosi rhai teithiau car byr i gerdded neu feicio) a thrwy hynny leihau’r pwysau ar barcio i’r rhai sydd angen i yrru.
Beth yw ‘llwybr cyd-ddefnyddio’?
Mae llwybr cyd-ddefnyddio yn llwybr i’w ddefnyddio gan unrhyw fodd o deithio llesol, boed yn gerdded, olwyno neu feicio, heb unrhyw nodweddion neu farciau gwahanu ffisegol. Mae’r llwybr cyd-ddefnyddio arfaethedig wedi’i ddylunio fel un tri metr o led, yn unol â chanllawiau’r Ddeddf Teithio Llesol. Mae defnydd anghyfreithlon o lwybrau teithio llesol gan feicwyr modur ac e-sgwter yn fater i’r heddlu a dylid rhoi gwybod am hyn drwy ffonio 111.
Llun: Llwybr cyd-ddefnyddio
Mae’r cynllun hwn yn cynnwys lledu rhannau o lwybrau troed Ffordd Woodstock i gynnwys llwybr cyd-ddefnyddio a fydd ar agor i’w ddefnyddio ar gyfer cerdded, olwyno (cadair olwyn, sgwter symudedd, sgwter cicio, ac ati) a beicio. Yn benodol, llwybr troed ochr ogleddol Ffordd Woodstock o ben y B4245 i Ffordd Woodstock i ychydig y tu hwnt i gyffordd Lôn y Felin, ac ochr ddeheuol llwybr troed Ffordd Woodstock o gyffordd Lôn y Felin i’r groesfan y tu allan i Aldi. Bydd arwyddion yn cael eu gosod i ddangos dynodiad defnydd a rennir. Mae’r llwybr wedi’i gynllunio o amgylch arolygon o lifoedd teithio llesol lleol a modelu traffig.
Mae llwybrau defnydd a rennir yn caniatáu i bobl sy’n cerdded, olwyno a seiclo i ddefnyddio’r un llwybr, gyda digon o led iddo fod yn gyfforddus i gerdded gyda bygi, defnyddio sgwter symudedd, neu fynd gyda phlentyn ar feic. Sylw a ddaw o gynlluniau teithio llesol eraill yw bod llwybrau a rennir yn ffafriol i ddefnydd ystyriol ac arafach: – lle mae beicwyr eisiau teithio’n gyflym, maent yn dewis defnyddio’r ffordd yn lle hynny.
Sut mae’r cynllun hwn yn cysylltu â’r orsaf reilffordd?
Mae’r cynllun yn un rhan o gyfres o brosiectau a fydd yn cysylltu holl gymunedau Glannau Hafren. Bwriedir cysylltu prosiectau â’r gorsafoedd rheilffordd, a byddwn yn datblygu’r rhain fel y bydd adnoddau a blaenoriaethu yn caniatáu.
Sut mae’r cynllun hwn yn cysylltu â Lôn y Felin?
Mae cynllun Ffordd Woodstock yn rhan o Lwybr Asgwrn Cefn yr Hafren. Gan adeiladu ar gynllun Ffordd Woodstock, mae dyluniadau’n cael eu datblygu (yn amodol ar gyllid a chaniatâd) i barhau â’r llwybrau teithio llesol defnydd a rennir o Ffordd Woodstock i lawr Lôn y Felin i’r fynedfa i faes parcio’r Ganolfan Hamdden, gan gynyddu’r capasiti ar gyfer teithio llesol a chreu llwybr ‘Park and Stride’ mwy uniongyrchol i Ysgol Gyfun Cil-y-coed o faes parcio’r Ganolfan Hamdden. Bydd hyn yn mynd i’r afael â diogelwch a hygyrchedd llwybrau i Ysgol Cil-y-coed ac Ysgol Durand, tra’n gwella ansawdd lle a mannau gwyrdd ar hyd Lôn y Felin.
Oni fydd goleuadau traffig a chroesfannau newydd yn achosi tagfeydd traffig?
Profwyd effeithiau gosod signalau ar y gyffordd gan ddefnyddio modelu traffig LinSig o symudiadau cerddwyr, beicwyr a cherbydau a arsylwyd drwy’r gyffordd ar adegau prysur. Mae canlyniadau’r model yn dangos bod cyffordd â signalau ychydig yn uwch na’r capasiti yn ystod oriau brig y prynhawn (105%), ond mae hyn yn arwain at uchafswm hyd ciw o lai na 3 cherbyd yn y cyfnod brig a dylid ei liniaru dros amser drwy annog newid moddol. drwy well darpariaeth teithio llesol. Dylid cymharu’r modelu ciw â’r sefyllfa bresennol, sef diffyg croesfannau diogel, neu’r dewis arall a awgrymir, sef croesfan sebra a sawl croesfan anffurfiol a fydd yn achosi tagfeydd yn wahanol (gweler isod). Mae’n bosibl y bydd yna gynnydd tymor byr mewn tagfeydd ar ôl i’r cynllun gael ei adeiladu: mae hyn yn nodweddiadol o gyffyrdd wedi’u hailfodelu, gan ei bod yn cymryd ychydig wythnosau i bobl ddod i arfer â newidiadau i lwybr y maent yn gyfarwydd ag ef.
Mantais darparu croesfannau â signalau ar draws pob braich o’r gyffordd yw ei fod yn darparu ar gyfer yr holl symudiadau croesfannau i gerddwyr a beicwyr yn y modd mwyaf effeithlon posibl. Mae arsylwadau ac arolygon ar y safle yn dangos bod y symudiadau croesi wedi’u gwasgaru ar draws pob braich o’r gyffordd yn ogystal ag yn groeslinol ar draws Ffordd Woodstock. Bydd hefyd yn atal cerbydau rhag stopio yng ngheg y gyffordd i ollwng disgyblion allan (mae hyn yn digwydd ar hyn o bryd gan achosi tagfeydd a dryswch pellach a chynyddu’r posibilrwydd o wrthdaro).
Bydd datblygiadau mewn croesfannau a reolir gan signalau yn helpu i reoli llif traffig yn effeithlon: Yn gyntaf, bydd y signalau traffig newydd yn canfod presenoldeb cerbydau sy’n dod ar y brif reilffordd a’r ffordd ymyl, yn ogystal â cherddwyr a beicwyr yn aros wrth ymyl y palmant neu groesi’r gyffordd. Bydd y synwyryddion cerbydau yn blaenoriaethu amser golau gwyrdd i ofynion y brif ffordd ar Ffordd Woodstock a dim ond pan fydd galw gan draffig sy’n dod o Lôn y Felin, neu pan fo’r botwm gwthio yn cael ei wasgu ar gyfer y groesfan i gerddwyr/beicwyr, yn atal traffig y ffordd fawr. Yn ail, bydd synwyryddion ar y cyfleusterau croesi yn canfod presenoldeb cerddwyr a beicwyr ac yn ymestyn amser y cyfnod croesi i weddu. Mae hyn yn golygu bod traffig ond yn cael ei gadw gyhyd ag sydd angen ac mae’n darparu ar gyfer y rhai y gallai fod angen mwy o amser arnynt i groesi (fel yr henoed/ symudedd wedi ei effeithio). Yn olaf, bydd synwyryddion ar ymyl y ffordd yn gwirio presenoldeb pobl sy’n aros i groesi felly, os bydd rhywun yn pwyso’r botwm gwthio ond yn cerdded i ffwrdd, bydd y cyfnod croesi yn cael ei ganslo gan ganiatáu i draffig y brif linell barhau.
Oni fyddai croesfan syml, heb weddill y cynllun, yn gyflymach ac yn rhatach?
Pe bai un groesfan sebra yn cael ei gosod ar Ffordd Woodstock, yn lle’r cynllun teithio llesol arfaethedig, byddai hyn yn darparu ar gyfer un symudiad croesfan i gerddwyr yn unig, ond gallai achosi i draffig gael ei atal yn amlach oherwydd diffyg darpariaeth ar gyfer symudiadau croesi eraill a phroffil cyrraedd a gadael cyfnod brig yr ysgol. Mae’r prif groesfannau llinell ddymunol i gerddwyr (a sefydlwyd yn yr arolygon traffig paratoadol) yn canolbwyntio o amgylch cyffordd Lôn y Felin: byddai’n rhaid gosod croesfan sebra annibynnol yn y lleoliad hwn naill ai’n rhy bell o’r gyffordd i ddatrys y mater diogelwch, neu mi fyddai’n methu archwiliad diogelwch a’n methu cael ei adeiladu, heb y mesurau arfaethedig o’i amgylch.
Mae’r cynllun arfaethedig yn mynd i’r afael â materion cyfredol a phroblemau yn y dyfodol/cynyddol gyda ffynhonnell arian sicr. Mae perygl traffig ffyrdd wedi’i amlygu, ond ni fyddai gosod croesfan ar ei phen ei hun yn mynd i’r afael yn effeithiol â’r etifeddiaeth systemig o ran strwythur ac ymddygiad sy’n sail i’r mater diogelwch presennol. Yn enwedig ar amseroedd dechrau a gorffen ysgolion, mae angen amlwg am well hygyrchedd i lwybrau, rheoli llif traffig (teithio cerbydol a llesol), llwybrau ehangach a chroesfannau mwy diogel sy’n gwasanaethu sawl llwybr. Yn ogystal, mae potensial i fynd i’r afael â materion cynhwysfawr i wneud teithio llesol yn ddigon deniadol i gefnogi hyd yn oed mwy o bobl i adael y car gartref ar gyfer teithiau lleol. Mae’r cynllun hwn yn cynnwys seilwaith diogel ar gyfer olwynion a beicio, sy’n hanfodol i wneud teithio llesol yn hygyrch, yn ddiogel ac yn ymarferol. Mae’r cynllun hwn wedi’i gynllunio i fod yn gost-effeithiol ac yn uchelgeisiol wrth fynd i’r afael â materion lluosog, o gwestiynau brys am ddiogelwch ar y ffyrdd i broblemau mwy cyffredinol gydag iechyd y cyhoedd a chynaliadwyedd, mewn ffordd sy’n llai aflonyddgar na mynd i’r afael â nhw’n unigol.
Pam fod yn rhaid adeiladu’r cynllun i safonau Teithio Llesol?
Pam fod angen llwybrau teithio llesol yng Nghil-y-coed?
Gall cerdded a beicio fod yn ffordd ddefnyddiol, cost isel ac effeithlon o fynd o gwmpas y dref. Lle gall myfyrwyr gerdded i’r ysgol, maent yn gallu canolbwyntio’n well, cynnal iechyd da a meithrin cysylltiadau cymdeithasol. Mae CSF yn gweithio i’w cefnogi nhw, a phawb arall hefyd, i fod yn fwy egnïol oherwydd ei fod o fudd i iechyd a lles pawb, yn ogystal â’r amgylchedd a’r gymuned. Rydym wedi gweld cyfran gynyddol o deithiau byr, lleol yn cael eu gwneud mewn car. Mae hyn yn creu cylch dieflig o dagfeydd a theimlad o risg sy’n atal pobl rhag teithio llesol. Mae angen ail-ddylunio rhai llwybrau blaenoriaeth o amgylch ysgolion, megis cyffordd Ffordd Woodstock a Lôn y Felin, ar fyrder er mwyn hybu diogelwch, atyniad ac ymarferoldeb teithio llesol ar gyfer teithiau byr, lleol.
Beth am ddefnyddio llwybr y Brenin Siôr V?
Mae llwybr y Brenin Siôr V wedi’i gynnig fel llwybr amgen sy’n cysylltu Church Road â Gorsaf Cil-y-coed. Nid yw wedi’i flaenoriaethu ar gyfer cynigion datblygu na chyllid dros Ffordd Woodstock oherwydd ei leoliad, ac oherwydd ei fod yn gul ac yn ynysig mewn mannau, er ei fod yn parhau i fod ar y Map Rhwydwaith Teithio Llesol i fynd i’r afael ag ef yn y dyfodol. Mae Ffordd Woodstock, ar y llaw arall, gerllaw’r Ysgol Gyfun a bu digwyddiadau penodol o wrthdaro rhwng traffig ffyrdd a theithio llesol sydd wedi gwneud y ffordd hon yn ganolbwynt i’r gwelliannau dylunio diogelwch ac ansawdd. Mae Ffordd Woodstock yn llwybr llydan, gyda chapasiti posibl ar gyfer llawer iawn o draffig teithio llesol.
Pam fod yr safleoedd bysiau yn cael eu symud, ac un safle bws yn cael ei symud?
Bydd safleoedd bws Meddygfa Gray Hill (ochr ogleddol a de) yn cael eu hail-leoli tua’r dwyrain, tuag at yr archfarchnadoedd, yr Hyb a’r Llyfrgell a llwybr i gerddwyr i’r stryd fawr, ac i ffwrdd o gyffordd Lôn y Felin. Mae hwn wedi’i gynllunio i wella diogelwch a gwelededd ar y gyffordd a dosbarthu’r safleoedd bysiau ar Ffordd Woodstock yn well i ddod â safle bws Gray Hill yn nes at ganol y dref. Mae astudiaethau o lif traffig yn yr ardal wedi dangos bod safleoedd bysiau ar hyn o bryd yn rhy agos at y gyffordd sy’n creu risg ac yn gwneud profiad annymunol i’r rhai sy’n aros pan fo’r gyffordd yn orlawn. Bydd safle bws Aldi (ochr ddeheuol) yn cael ei symud gan y byddai safle bws Gray Hill 60 metr i ffwrdd, ac mae’r safleoedd bysiau canlynol yn hygyrch yng Nghroes Cil-y-coed. Bydd safleoedd bysiau Cwrt Woodstock yn aros yn yr un lle. Bydd llwybr y bws cyhoeddus yn aros yr un fath. Bydd y llochesi bws yn cael eu huwchraddio i gynnwys byrddau gwybodaeth a tho gwyrdd (sedum) ar gyfer mynediad a manteision amgylcheddol.
Pam nad yw’r cynllun yn ymestyn o amgylch cornel Asda?
Darparwyd cyllid i fynd i’r afael â phroblemau o amgylch yr ysgol. Aseswyd y dylai’r cam hwn o’r dyluniad ddod i ben wrth groesfan Aldi, lle bydd y prif lif o draffig teithio llesol yn mynd tuag at ganol y dref, yn hytrach na pharhau ar hyd Ffordd Woodstock. Mae darpariaeth llwybr troed o amgylch Asda eisoes yn ‘rollable’ ac o led addas, ac felly ni fyddai’n denu cyllid ar hyn o bryd.
Beth am fynediad i’r anabl?
Mae hygyrchedd y llwybr yn ganolog i’r dyluniad a’i gyllid, ac yn arbennig o bwysig i’w agosrwydd at Ganolfan Nurcombe Ysgol Cil-y-coed ar gyfer myfyrwyr ag anghenion dysgu ychwanegol (ADY), a’r feddygfa. Mae’r problemau presennol gyda phalmentydd lleol, gan gynnwys diffyg cyrbau isel, yn effeithio’n arbennig ar fynediad, diogelwch a chysur pobl ag anableddau, fel yr amlygwyd yn ein hymgynghoriad yn 2022.
Bydd llwybrau’n cael eu dylunio a’u hadeiladu yn unol â chanllawiau’r Ddeddf Teithio Llesol, gan sicrhau bod hygyrchedd yn cael ei ystyried drwyddi draw, o ran y seilwaith materol, yr arwyddion a’r wyneb, ac fel rhan o rwydwaith cysylltiedig. Mae hyn yn golygu bod dyluniad y cyfleusterau croesi ar gyffordd Lôn y Felin yn creu llwybr mwy cyfleus ac uniongyrchol, fel nad yw pobl yn cael eu gorfodi i wyro oddi ar eu llwybr mewn ffordd sy’n arbennig o anodd i’w defnyddio gan bobl â chyfyngiadau symudedd ac sy’n defnyddio cadeiriau olwyn.
Rydym am sicrhau bod llwybrau teithio llesol Ffordd Woodstock yn hygyrch ac yn ddeniadol i bawb, gan gynnwys y rhai ag anableddau a symudedd cyfyngedig, a/neu deithio gyda phlant a/neu fagiau. Mae llwybrau ehangach ac arwydd cliriach o lwybrau wedi’u cynllunio i leihau’r posibilrwydd o wrthdaro rhwng gwahanol ffrydiau traffig a gwella cysur a chymdeithasgarwch teithio llesol. Bydd croesfannau stryd mwy diogel, ffurfiol gyda chamau clyfar a arweinir gan synhwyrydd yn gwella ymhellach swyddogaeth hygyrch a greddfol y llwybrau teithio llesol.
Sut mae pobl i fod i gyrraedd canol y dref?
Ni fydd y cynllun hwn yn effeithio ar y llwybrau cerdded/olwyno presennol rhwng Ffordd Woodstock a chanol y dref. Bydd gwelliannau i gysylltiadau i ganol y dref yn cael eu gwneud yn ddiweddarach yn natblygiad rhwydwaith teithio llesol Glannau Hafren. Ar hyn o bryd, mae mynediad ‘rollable’ o Ffordd Woodstock i ganol y dref ar hyd y ddau lwybr trwy Adeiladau Wesley (Bargain Booze/Davies & Son ac Aldi/Dominos) ac o’r Llyfrgell/Hwb i’r Groes, na fydd yn cael ei effeithio’n negyddol gan y cynllun hwn.
A fydd y cynllun yn mynd â masnach i ffwrdd o ganol Cil-y-coed?
Mae seilwaith teithio llesol o ansawdd da yn cefnogi siopau lleol a strydoedd mawr drwy ei gwneud yn haws i drigolion Cil-y-coed a Glannau Hafren fynd i ganol y dref. Rydym yn gweithio i wneud cerdded, olwyno a beicio i siopau lleol yn fwy deniadol a chyfleus yn lle gyrru allan o’r dref neu i’r archfarchnad. Mae mynediad at deithio llesol yn cefnogi adfywiad cymunedau llawn cymeriad, gwydn a chynaliadwy, er iechyd a lles trigolion presennol, poblogaeth leol sy’n tyfu ac ar gyfer cenedlaethau’r dyfodol.
Bydd y cynllun hwn yn gwella cysylltiadau â llwybrau cerdded/olwyno presennol rhwng Ffordd Woodstock a chanol y dref, gyda chamau diweddarach y cynllun yn cysylltu Lôn y Felin a gorsaf Cil-y-coed, er mwyn galluogi mwy o bobl leol i siopa’n lleol, gan elwa ar yr arbedion ariannol a’r cyfleoedd cymdeithasol a ddaw o gael mynediad gwell at deithio llesol.
Lle mae beicwyr eisiau cymudo heibio canol y dref, bydd y cynllun hwn yn gwella eu diogelwch ar Ffordd Woodstock, boed yn defnyddio’r ffordd neu’r llwybr teithio llesol. Mae canol tref Cil-y-coed i gerddwyr yn unig. Mae lle i sgwteri symudedd, a darperir mannau parcio beiciau ar y naill ben a’r llall i’r ardal i gerddwyr, gan roi mantais gystadleuol i deithio llesol dros barcio ceir yn yr ardal y gellir ei gwella drwy wella llwybrau sy’n cysylltu â chanol y dref, fel Ffordd Woodstock.
Sut mae’r ymgynghoriad wedi cael ei hyrwyddo?
Mae’r ymgynghoriad wedi cael ei hyrwyddo trwy ddosbarthu posteri lleol, yn ogystal ag ar wefan Cyngor Sir Fynwy, papurau newydd lleol, a’r cyfryngau cymdeithasol. Rydym wedi darparu gwybodaeth am yr estyniad arfaethedig i linellau melyn dwbl i’r preswylwyr a fydd yn cael eu heffeithio’n uniongyrchol gan y newid hwn. Nod y dull hwn yw sicrhau, yn ehangach na’r rhai y mae’r estyniad llinellau melyn dwbl yn effeithio arnynt yn uniongyrchol, ein bod yn rhoi triniaeth gyfartal i farn pobl sy’n byw yn yr ardal ac yn ei defnyddio, ynghylch eu hangen am ddefnydd diogel a chyfforddus o’r gofod.
Mae arddangosfa ‘Beth Sy’n Gwneud Mynwy, Trefynwy’ bellach yng Nghanolfan Hamdden Trefynwy. Fel rhan o daith yr arddangosfeydd o amgylch Trefynwy, gall trigolion ac ymwelwyr nawr weld y casgliad yn y Ganolfan Hamdden dros wyliau haf yr ysgol.
Bydd yr arddangosfa yn teithio o amgylch lleoliadau cymunedol gwahanol yn Nhrefynwy tan fis Mawrth 2025.
Gellir gweld arddangosfa bartner hefyd yn Neuadd y Sir, Trefynwy tan 31 Mawrth, 2025.
Mae’r arddangosfa’n rhan o brosiect ‘Casgliadau Deinamig: Agor y Blwch’ Gwasanaethau Amgueddfa, a ariennir gan Gronfa Dreftadaeth y Loteri Genedlaethol. Gwahoddwyd trigolion o gymunedau lleol gwahanol i ‘agor y blwch’ i gasgliad amgueddfa Neuadd y Sir. Roeddynt wedi dewis gwrthrychau yr oeddynt yn meddwl sy’n dweud stori Trefynwy iddyn nhw a rhoi eu straeon personol sy’n cael eu harddangos yn arddangosfa ‘Be’ sy’n gwneud Trefynwy fel y dref yw hi’. Mae’r arddangosfa’n cynnwys llawer o wrthrychau, ffotograffau a phaentiadau nad ydynt erioed wedi’u harddangos o’r blaen, gan ein cysylltu â’n hanes a’n diwylliant lleol cyfoethog.
Church Street embroidery, 2006 – will form part of the display
Ochr yn ochr â’r arddangosfeydd yn y Ganolfan Hamdden a Neuadd y Sir yr haf hwn, bydd swyddogion Amgueddfa MonLife hefyd yn cynnal gweithgareddau crefft teulu am ddim. Mae’r gweithgareddau ar gael i bob oed, ac felly gwnewch hwn yn haf o ddarganfod a galwch draw i gymryd rhan. Darganfyddwch fwy yma: https://www.monlife.co.uk/cy/events/
Dywedodd y Cynghorydd Angela Sandles, Aelod Cabinet dros Gydraddoldeb ac Ymgysylltu Cyngor Sir Fynwy: “Diolch i Gronfa Dreftadaeth y Loteri Genedlaethol, rhoddwyr i’r amgueddfeydd, a’n gwirfoddolwyr am wneud y prosiect a’r arddangosfa hon yn bosibl. Mae arddangos hanes helaeth ein trefi yn yn hanfodol bwysig. Mae gwaith ein tîm, ynghyd â gwirfoddolwyr, yn dyst gwirioneddol i’w hymrwymiad i gadw hanes lleol yn fyw.
Mae arddangosfa Neuadd y Sir ar agor bob dydd rhwng 11am a 4pm ac eithrio dydd Mercher a dydd Sul (mae ar agor ar ddydd Sul yn ystod gwyliau haf yr ysgol). Gellir gweld yr arddangosfa deithiol unrhyw bryd yn ystod oriau agored yn Llyfrgell Trefynwy a Hwb, ac ar ôl hynny yng Nghanolfan Hamdden Trefynwy. Mae mynediad am ddim.
Cynlluniwyd cynllun teithio llesol Cyswllt Cil-y-coed i greu rhwydwaith integredig o lwybrau rhannu defnydd, sy’n cysylltu ardaloedd preswyl presennol ac ar y gweill yn nwyrain Cil-y-coed a’r cylch gyda chyrchfannau lleol a thrafnidiaeth gyhoeddus. Y nod yw galluogi preswylwyr i ddefnyddio teithio llesol ar gyfer teithiau lleol a chysylltu gyda rhwydweithiau ehangach teithio llesol a thrafnidiaeth gyhoeddus Glannau Hafren drwy adeiladu llwybrau ansawdd uchel a chyfleus ar gyfer cerdded, olwyno a seiclo.
Cynllun Cyswllt Teithio Llesol Cil-y-coed
Mae cynllun Cyswllt Cil-y-coed yn canolbwyntio ar ogledd a dwyrain Cil-y-coed. Rhannwyd y cynllun yn dair adran wahanol* (gweler y cynllun isod):
Rhan 1: Yn rhedeg ar hyd llwybr hen reilffordd Dinham y Weinyddiaeth Amddiffyn, ychydig i’r de o’r Cae Grawn ym Mhorthysgewid, i fod yn gydwastad gyda Pharc Gwledig Castell Cil-y-coed. Mae’r prif waith adeiladu bellach wedi ei gwblhau, gyda pheth mân waith i’w gwblhau yn hydref 2024 sy’n cynnwys: plannu coed, tirlunio, goleuadau ac arwyddion.
Rhannau 2 a 3: O’r lefel gyda’r parc gwledig tua’r gogledd i Crug, gan groesi safleoedd CDLlD gogledd-ddwyrain Cil-y-coed. Mae aliniad llwybr yn cael ei ddatblygu.
Rhan 4 – Llwybr Aml-ddefnyddiwr: Yn rhedeg trwy Barc Gwledig Castell Cil-y-coed yn cysylltu â Chysylltiadau Cil-y-coed a’r B4245 ar yr ochr ddwyreiniol ac yn cysylltu â Church Road (ac ymlaen i Ganol Tref Cil-y-coed) ar yr ochr orllewinol.
*Caiff adrannau o’r cynllun eu cyflwyno fel y bydd cyllid a chyfyngiadau eraill yn caniatáu, h.y. nid o reidrwydd mewn trefn rifyddol.
Cynnydd Presennol
Rhan 1: Mae’r prif waith adeiladu bellach wedi’i gwblhau, gyda rhai mân waith eto i’w gwblhau yn hydref 2024 sy’n cynnwys: plannu coed, tirlunio, goleuadau ac arwyddion.
Mae croeso i chi ddefnyddio’r rhan hon o lwybr teithio llesol newydd Cysylltiadau Cil-y-coed ar gyfer cerdded, olwynio a beicio. Sylwch nad yw’r llwybr hwn yn cael ei hyrwyddo fel un hygyrch i bob defnyddiwr ar hyn o bryd ac mae’n cynrychioli’r cam cyntaf o ran darparu cysylltiad cyflawn o Borthsgiwed i Gil-y-coed.
Nodwch y canlynol os gwelwch yn dda:
Parc Gwledig Castell Cil-y-coed: Ar hyn o bryd, nid oes llwybr wyneb caled ffurfiol yn cysylltu’r llwybr tarmac hwn â ffordd wasanaeth tarmac y Parc Gwledig. Bydd angen i ddefnyddwyr sy’n dymuno parhau i mewn i’r Parc Gwledig ddefnyddio llwybrau glaswellt anffurfiol, sydd ag arwynebau anwastad, llethrau a giatiau.
Parc Elderwood: Nid oes cysylltiad ymlaen o ben y ramp i Barc Elderwood oherwydd bod y datblygiad tai yn dal i gael ei adeiladu.
Llun: Cysylltiadau Cil-y-coed cam 1 – Cyn ac ar ôl
Rhannau 2 a 3: Mae ymgynghorwyr a benodwyd gan CSF wedi cynnal astudiaeth o’r opsiynau sydd ar gael ar gyfer datblygu’r llwybr i’r gogledd a’r dwyrain o’r Parc Gwledig, gan ystyried y cyfleoedd allweddol a chyfyngiadau’r ardal hon. Mae Cyngor Sir Fynwy bellach yn bwrw ymlaen â’r camau nesaf i ddatblygu’r adran hon.
Rhan 4 – Llwybr Aml-Ddefnyddwyr: Mae ymgynghorwyr yn cael eu penodi i symud ymlaen â’r gwaith dylunio a chaniatâd hyd at y cam cyn-adeiladu ar gyfer llwybr teithio llesol newydd arfaethedig sy’n rhedeg o ben gogleddol Cam 1 y Cysylltiadau trwy ochr ddwyreiniol Parc Gwledig Castell Cil-y-coed i ymuno â ffordd darmac y parc gwledig presennol ychydig i’r dwyrain o nant Nedern. Mae gwaith asesu ar wahân ychwanegol yn cael ei wneud i edrych ar y cysylltiadau ymlaen i’r dwyrain a’r gorllewin.
Pam canolbwyntio ar ogledd a dwyrain Cil-y-coed?
Mae’r cynllun yn anelu i wella mynediad cynaliadwy i wasanaethau, siopau a safleoedd addysg a chyflogaeth o amgylch Cil-y-coed. Mae cynhyrchu teithiau yn gysylltiedig â’r datblygiad preswyl arfaethedig yn nwyrain a gogledd Cil-y-coed yn ogystal â’r angen i liniaru tagfeydd yn gysylltiedig gyda safleoedd cyflogaeth lleol a phontydd di-doll yr Hafren yn rhoi ysgogiad ychwanegol i’r cynllun, gan fod hwn yn gyfle i wneud teithio llesol y dull a ffefrir ar gyfer teithiau lleol ar gyfer preswylwyr hen a newydd fel ei gilydd.
Mae cynllun Cyswllt Cil-y-coed a gyflwynir mewn camau yn canolbwyntio ar ddwyrain Cil-y-coed, yn cynnwys cysylltu gyda datblygiadau tai oddi ar Heol yr Eglwys a Heol Crug i sicrhau fod gan breswylwyr cyfredol a phreswylwyr y dyfodol opsiynau trafnidiaeth cyfleus, iach a chynaliadwy, i leihau a rheoli effaith traffig ffordd poblogaeth gynyddol a chyfeirio preswylwyr ac ymwelwyr i ganol y dref fel cyrchfan leol.
Isod mae manylion ein Map Teithio Llesol ar gyfer Cil-y-coed, yn dangos faint o amser y byddai’n ei gymryd fel arfer i deithio yn yr ardal leol. Bydd yr ardaloedd datblygu lleol, a ddangosir mewn brown, yn cynnwys parseli o fannau gwyrdd (h.y. mae’r safleoedd a ddangosir yn cynnwys ardaloedd na fydd adeiladu):
Beth yw teithio llesol?
Mae teithio llesol yn derm a ddefnyddir i ddisgrifio cerdded, olwyno neu seiclo i gyrchfan y mae Deddf Teithio Llesol (Cymru) 2013 yn eu disgrifio fel “teithiau pwrpasol”. Nid yw’n cynnwys teithiau a wneir yn llwyr ar gyfer hamdden er y gallai wella gweithgareddau hamdden yn sylweddol drwy helpu i gysylltu’r rhwydweithiau. Gellir defnyddio Teithio Llesol i fynd i’r ysgol, gwaith, gwasanaethau a siopau, neu fel un o nifer o ddulliau teithio ar daith hirach – er enghraifft, cerdded i’r orsaf i ddal bws neu drên. Ffocws strategaeth teithio llesol Cyngor Sir Fynwy yw teithiau o dair milltir neu lai, sy’n golygu gwella seilwaith cerdded a seiclo o fewn cymunedau a rhwng aneddiadau cyfagos tebyg i Gil-y-coed, Porthysgewin a Crug, fel y gall teithio llesol fod yn ddewis naturiol ar gyfer teithiau lleol. Mae Cyngor Sir Fynwy hefyd yn anelu i weithio cysylltiadau teithio llesol i drafnidiaeth gyhoeddus, i gefnogi teithio cynaliadwy ar draws y sir.
Sut y caiff cynllun Cyswllt Cil-y-coed ei ariannu?
Caiff Cyswllt Teithio Llesol Cil-y-coed a’r Llwybr Amlddefnydd eu hariannu drwy grantiau Llywodraeth Cymru sydd wedi eu hanelu at welliannau i ddulliau trafnidiaeth gynaliadwy.
Sut y caiff tynnu coed ar hyd y llwybr teithio llesol ei liniaru?
Wrth adeiladu Cam 1, mae coed a llystyfiant wedi’u clirio i wneud lle i’r llwybr a’i rampiau mynediad. Roedd angen clirio coed ychwanegol hefyd mewn ymateb i glefyd (Chalara) coed yr ynn ar y safle ac fe’i cyfunwyd i fod yn fwy cost effeithiol. Roedd y gwaith clirio ond yn cynnwys yr hyn oedd ei angen i sicrhau bod yr hen reilffordd yn ddiogel ar gyfer y defnyddwyr presennol ac i alluogi adeiladu’r llwybr Teithio Llesol tra’n diogelu bywyd gwyllt ar y safle.
Disgwylir y bydd y llwybrau teithio llesol gwell yn cynyddu cyfleoedd lleol ar gyfer cerdded, olwyno a seiclo a dylai hynny gael effaith gadarnhaol hirdymor ar yr amgylchedd a bioamrywiaeth lleol fel y’i disgrifir yn Nghanllawiau y Ddeddf Teithio Llesol.
Drwy gydol mis Ionawr, mae arddangosfa newydd wedi’i harddangos yn Neuadd y Sir i ddathlu ei hanes dros 300 mlynedd. Yr arddangosfa hon yw’r gyntaf o lawer o arddangosfeydd newydd a arddangosir yn Amgueddfa newydd Neuadd y Sir.
Ochr yn ochr â’r arddangosfa, bydd tîm Neuadd y Sir yn ymgysylltu â’n cymunedau lleol ac yn siarad ag ymwelwyr i ddeall pa bynciau a themâu y maent am eu gweld yn yr amgueddfa. Bydd yr holl adborth yn cael ei ddefnyddio i greu’r Cynllun Dehongli a fydd yn llywio dyluniad a phrofiad ymwelwyr â’r amgueddfa.
Yn ogystal â’r arddangosfa, gall ymwelwyr weld yr adolygiadau diweddar o’r casgliadau a gynhaliwyd ar draws amgueddfeydd MonLife.
Wedi’i ariannu gan Dreftadaeth y Loteri Genedlaethol, mae’r gwaith hwn yn cefnogi symud casgliadau Nelson a Threfynwy i’w cartref newydd yn Neuadd y Sir. Mae’r grant yn ychwanegiad cadarnhaol i’w groesawu, yn enwedig gyda’r pwysau cynyddol ar wasanaethau diwylliannol oherwydd cyllidebau sy’n cael eu cwtogi. Bydd y gwaith yn helpu i lunio dyfodol cynaliadwy i’r amgueddfa. Bydd ymwelwyr yn cael cyfle i bleidleisio ar y gwrthrychau a’r themâu allweddol sy’n ymwneud â’r Arglwydd Nelson, a fydd yn llywio’r arddangosfeydd yn yr amgueddfa newydd yn y dyfodol.
Mae’r holl waith hwn wedi bod yn rhan o’r prosiect ‘Casgliadau Deinamig – Agor y Bocs’ y mae’r amgueddfa wedi bod yn ei gyflawni drwy gydol 2023. Ar ôl adolygu casgliad Nelson, nododd y tîm gasgliad o arwyddocâd cenedlaethol. Dyma nawr yw eich cyfle i roi adborth ar yr hyn sy’n bwysig i chi o fewn y casgliad.
Dywedodd y Cynghorydd Angela Sandles, Aelod Cabinet Cyngor Sir Fynwy dros Gydraddoldeb ac Ymgysylltu: “Mae’r arddangosfa newydd yn yr Amgueddfa yn gyfle gwych i gymunedau lleol ac ymwelwyr â Threfynwy ddysgu mwy am hanes adeilad mor eiconig yng nghanol y dref. Rydym am ddarparu gofod lle gall pawb ddysgu am eu hanes lleol tra’n gweld arddangosfeydd y maent am eu gweld. Ewch i’r arddangosfa i ddysgu mwy am y gwaith gwych sy’n cael ei wneud yn Amgueddfeydd MonLife.”
