Effaith Gadarnhaol Rhaglen NERS ar Drigolion Sir Fynwy
Mae’r Cynllun Atgyfeirio Ymarfer Corff Cenedlaethol (neu NERS) wedi cael effaith gadarnhaol ar dros 1,000 o unigolion yn Sir Fynwy eleni.
Nod y rhaglen arloesol hon, a ariennir gan Lywodraeth Cymru, yw gwella bywydau oedolion sydd mewn perygl o ddatblygu cyflyrau cronig, neu sy’n eu rheoli ar hyn o bryd, trwy drefn gweithgaredd corfforol strwythuredig 16 wythnos.
Yng nghyfnod adrodd 2024/2025, derbyniodd NERS 1,010 o atgyfeiriadau, gan ddangos ymgysylltiad cymunedol cryf. Ymhlith yr atgyfeiriadau hyn, dechreuodd 75% o gleientiaid y rhaglen, gyda 66% yn ei chwblhau’n llwyddiannus.
Yn seiliedig ar ein hadborth, mynegodd 100% o’r cyfranogwyr eu gobaith y byddai’r rhaglen yn parhau yn y dyfodol, a dywedodd 91% y byddent yn argymell y rhaglen i eraill. Ymhellach, dywedodd yr holl gyfranogwyr eu bod yn teimlo’n ddiogel ac yn gyfforddus wrth wneud ymarfer corff, a chanfu 100% fod yr hyfforddwyr ffitrwydd yn gyfeillgar ac yn hawdd siarad â nhw.
Mae’r ymatebion cadarnhaol hyn yn amlygu effaith sylweddol y rhaglen a’r gwerth y mae’n ei roi i’r gymuned.
Ar 5 Tachwedd 2018 cafodd Donald a Margaret ei wraig eu gwahodd gan y Clinig Cof yn Ysbyty Cymunedol Cas-gwent i gymryd rhan mewn rhaglen ymarfer ac addysg yn dechrau ddydd Llun 14 Ionawr 2019.
Fe wnaeth y ddau ohonynt fwynhau’r dosbarthiadau ymarfer yn fawr iawn ac ymgysylltu’n syth gyda Clare a’r hyfforddwyr eraill. Mynychais i y sesiynau gan fod mam mewn cadair olwyn ac nid oedd eisiau bod yn rhwystr i weddiill y dosbarth.
Ar ddiwedd y rhaglen 12 wythnos sylweddolodd Clare y budd i mam a dad ac argymell ein bod yn parhau i ymarfer gydag atgyfeiriad NERS gan feddyg.
Fe wnaethom gadw mewn cysylltiad gyda Clare drwy gydol Covid ac anfonais luniau a fideos ati o mam a dad yn ymarfer yn yr ardd. Cafodd y rhain eu rhoi ar safle’r Ganolfan Hamdden.
Gwaetha’r modd, bu Margaret farw ym mis Gorffennaf 2021. Ym mis Awst 2021 dywedodd Clare y byddai dosbarthiadau Fit 4 Life yn ailddechrau ym mis Medi a dweud y byddai angen i ni gael atgyfeiriad arall gan y meddyg i fedru mynychu, a hefyd gael cymorth drwy’r cynllun 60+ Egniol oedd yn rhaglen newydd a ddechreuwyd gan Chwaraeon Cymru yn ystod cyfnod clo Covid.
Mae Donald bellach yn mynd gyda’i ferch i’r dosbarth gan nad yw’n sad ar ei draed oherwydd ei gydbwysedd, ac yn awyddus iawn i beidio dal gweddill y dosbarth yn ôl. Ar 7 Medi syrthiodd dad lawr y grisiau a thorri ei goes. Mae ganddo nawr bin mawr yn ei glun sydd wedi ei gysylltu â’i ben-glin prosthetig.
Ar 8 Tachwedd cafodd glywed ei fod yn ‘ffit’ i aiymuno â’i ddosbarth ymarfer. Mae’r llawfeddyg yn credu fod ei adferiad rhyfeddol oherwydd ei ffitrwydd o’i ddosbarth ymarfer. Mae Dad nawr yn ôl yn ei ddosbarth wythnosol ac yn mwynhau’r clecs ac ymarfer gyda gweddill y dosbarth, yr ydym yn eu hystyried yn ffrindiau.
Ar 26 Mawrth bydd Dad yn 90 oed a gobeitho y bydd ei ymarfer yn Fit 4 Life yn parhau am amser hir.
Diolch Clare am bopeth a wnaethoch i ni fel teulu.
Mae Donald yn parhau i fynychu dosbarthiadau wythnosol ac yn mwynhau’r cyfeillgarwch ac ymarfer gyda chyfeillion.
Yn ddiweddar, roeddem yn gallu eistedd i lawr gyda rhai o’n Cyfranogwyr NERS presennol a’u holi am y rhaglen a sut mae wedi effeithio ac wedi gwella’u hiechyd a’u lles.
Edrychwch ar y fideos isod i glywed mwy am eu teithiau.
Rosalind
James
This post is also available in: English