Helpu Mwy o Gwsmeriaid i Gael Mynediad i Weithgareddau – Monlife

Helpu Mwy o Gwsmeriaid i Gael Mynediad i Weithgareddau

Rydyn ni’n gwybod pa mor boblogaidd yw ein dosbarthiadau ffitrwydd a rydym eisiau sicrhau fod cynifer o aelodau ag sydd modd yn cael cyfle i archebu a mwynhau’r sesiynau y maent yn eu mwynhau.

I’n helpu i wneud lleoedd mewn dosbarth ar gael yn deg a gostwng nifer y lleoedd gwag, byddwn yn cyflwyno ein Proses Streic Archebion o 19 Hydref 2026.

Pan mae aelodau yn archebu dosbarth ond ddim yn mynychu, ond yn canslo’n rhy hwyr i rywun arall gymryd eu lle, gall lleoedd gwerthfawr fynd yn wag. Cynlluniwyd y broses streic archebion i annog aelodau i ganslo archebion na fedrant eu mynychu mwyach, gan roi cyfle i bobl eraill gymryd y lle hwnnw.

Sut mae’n gweithio

  • Os na fedrwch fynychu dosbarth, gofynnir i chi ganslo eich archeb o leiaf 2 awr cyn y gweithgaredd drwy ap MonLife, ar-lein neu drwy gysylltu â’r ganolfan hamdden.
  • Bydd cwsmeriaid nad ydynt yn mynychu gweithgaredd a archebwyd heb ganslo yn derbyn streic archebu
  • Caiff breintiau archebu ar-lein cwsmeriaid sy’n cael tair streic  o fewn cyfnod o 12 mis eu cyfyngu dros dro am 7 diwrnod.

Nod y polisi hwn yw hyrwyddo mynediad teg i ddosbarthiadau a gwella argaeledd ar gyfer pob aelod!

Pam ein bod yn cyflwyno’r newid yma

Mewn misoedd diweddar wedi rydym gweld pob lle wedi eu harchebu mewn nifer o ddosbarthiadau, gyda rhai aelodau yn methu cael lle tra bod lleoedd a archebwyd ddim yn cael eu defnyddio oherwydd nad yw’r sawl a’u harhebodd yn troi lan.

Drwy gyflwyno’r polisi hwn, gobeithiwn:

  • Wella argaeledd mewn dosbarthiadau
  • Gostwng amserau aros
  • Sicrhau y caiff lleoedd eu defnyddio’n effeithiol
  • Cynnig gwell profiad i bob aelod

Byddwn yn parhau i fonitro presenoldeb a chefnogi aelodau i reoli eu harchebion drwy ap MonLife a’r system archebu ar-lein.

Diolch am eich cefnogaeth wrth ein helpu i wneud ein dosbarthiadau ffitrwydd yn hygyrch a bod pawb yn eu mwynhau.

Daw’r broses streic archebu newydd i rym ar 19 Hydref 2026.

Cwestiynau cyffredin

Cofnodir streic pan fo cwsmer yn archebu gweithgaredd a dim yn mynychu heb ganslo o leiaf 2 awr ymlaen llaw.

Os na fedrwch fynychu mwyach, gofynnir i chi ganslo eich archeb o leiaf 2 awr cyn dechrau’r sesiwn i osgoi derbyn streic.

Cyflwynwyd y polisi yn dilyn adborth gan gwsmeriaid am ddosbarthiadau a gweithgareddau yn ymddangos yn llawn, ond bod lleoedd ddim yn cael eu defnyddio oherwydd nad yw cwsmeriaid oedd wedi archebu wedi troi lan.

Gall cwsmeriaid gael hyd at dair streic mewn cyfnod treigl o 12 mis cyn y rhoddir cosb. Yn dilyn y gosb, mae’r broses streic yn ailosod ac yn dechrau eto.

Unwaith y cafwyd tair streic mewn cyfnod treigl 12 mis, gweithredir cosb yn unol â’r Polisi Archebu a Chanslo. Mae hyn yn golygu na fedrwch archebu gweithgareddau ar-lein am 7 diwrnod. Yn dilyn y gosb, mae’r broses streic yn ailosod ac yn dechrau eto.

Gallwch weld a rheoli eich archebion ar ap MonLife, y system archebu ar-lein neu drwy gysylltu â’ch canolfan hamdden leol.

Gofynnir i chi ganslo eich archeb cyn gynted ag sydd modd ond ddim hwyrach na 2 awr cyn y gweithgaredd. Bydd hyn yn galluogi cwsmer arall i gymryd eich lle ac yn ein helpu i wneud y defnydd gorau o’r lleoedd sydd ar gael.

Deallwn y gall sefyllfaoedd annisgwyl ddigwydd. Os oes amgylchiadau eithriadol, cysylltwch â monmemberships@monmouthshire.gov.uk cyn gynted ag sydd modd fel y gellir adolygu’r sefyllfa.

Byddant. Caiff streiciau eu holrhain ar sail treigl 12 mis. Ni fydd unrhyw streic dros 12 mis yn cyfrif tuag at eich cyfanswm.

Mae’r broses streic archebu newydd yn weithredol ar gyfer pob sesiwn a archebir ymlaen llaw lle cofnodir presenoldeb.

Mae’r polisi streic yn helpu:

  • Gwella argaeledd dosbarthiadau a gweithgareddau poblogaidd
  • Gostwng nifer yr archebion sydd ddim yn troi lan
  • Rhoi cyfle teg i gwsmeriaid archebu eu hoff weithgareddau
  • Creu profiad gwell i bob defnyddiwr

This post is also available in: English