Strategaethau ac Astudiaethau
Mae’r PGGG yn dangos ffordd arloesol o gydweithio i gyflawni canlyniadau strategol a lleol i ddarparu dull rhanbarthol o ymdrin â Seilwaith Gwyrdd (SG) yng Ngwent. Drwy’r cydweithio hwn, mae’r bartneriaeth wedi cynhyrchu’r dogfennau a’r astudiaethau strategol canlynol:
Mapiwr Rhwydwaith Ecolegol Gwydn Gwent
Mae Mapiwr Rhwydwaith Ecolegol Gwydn Gwent yn offeryn mynediad agored sydd wedi’i gynllunio i’ch helpu i nodi a datblygu prosiectau adfer natur yng Ngwent. Wedi’i greu gan Bartneriaeth Grid Gwyrdd Gwent, Systemau Amgylcheddol, a Chyfoeth Naturiol Cymru, mae’n darparu gwybodaeth ecolegol werthfawr i gefnogi bioamrywiaeth ac adfer cynefinoedd.
Strategaeth Mynediad Rhanbarthol
Mae’r cynllun strategol hwn ar gyfer rhanbarth Gwent yn nodi cyfleoedd allweddol a strategaethau rheoli. Mae’n cynnwys cynllun cyflawni strategol coridorau gwyrdd ar gyfer prosiectau mynediad a phrosiectau wedi’u costio. Bydd y strategaeth yn cael ei chyhoeddi’n fuan.
ReAsesiad Effaith Iechyd Integredig Rhanbarthol (AEII)
Mae’r AEII’n nodi effaith PGGG ar iechyd a lles meddyliol trigolion Gwent. Tynnwyd canfyddiadau allweddol o ddadansoddiad o dystiolaeth rhanddeiliaid, data epidemiolegol ac adolygiad o’r llenyddiaeth berthnasol.
Astudiaeth Achos i-Tree Eco Sir Fynwy
Defnyddiwyd i-Tree Eco i ddeall cyfansoddiad a strwythur coedwig drefol Sir Fynwy a’r buddion y mae’n eu darparu. Gellir defnyddio’r dadansoddiad hwn fel gwaelodlin i wneud penderfyniadau gwybodus i reoli a chynnal y goedwig drefol yn well, ar gyfer hinsoddau’r presennol a’r dyfodol.
Rhwydweithiau Ecolegol Gwydn yng Ngwent
Mae Partneriaeth Grid Gwyrdd Gwent (PGGG) mewn cydweithrediad â Chyfoeth Naturiol Cymru (CNC) ac ystod eang o bartneriaid a rhanddeiliaid lleol, yn dylunio ac yn datblygu Rhwydweithiau Ecolegol Gwydn (RhEG) ledled Gwent.
This post is also available in: English