Cynllun strategol y Fenni

Rydym yn datblygu llwybrau teithio llesol ar draws y Fenni i gysylltu preswylwyr yn well gyda chyrchfannau lleol a gwasanaethau trafnidiaeth gyhoeddus. Anelwn wella mynediad cyfartal i addysg, cyflogaeth, siopau a gwasanaethau lleol, i gefnogi cymunedau cynaliadwy, cydnerth a chysylltiedig ar draws y Fenni a Llan-ffwyst. 

Bu Cyngor Sir Fynwy yn llwyddiannus yn ei gais i’r Gronfa Teithio Llesol ar gyfer 25/26 drwy Lywodraeth Cymru, mae’r cyllid i ddatblygu Cyllid Teithio Llesol y Fenni i Llan-ffwyst. Rydym yn canolbwyntio ar gysylltiadau teithio llesol rhwng Llan-ffwyst a’r Fenni, gyda’n llwybr wedi ei gynllunio o amgylch pont teithio llesol yn croesi’r Afon Wysg rhwng Heol Merthyr a Dolydd y Castell, a darnau cyswllt ar gyfer llwybrau mwy diogel, deniadol ac uniongyrchol i Llan-ffwyst a’r Fenni. 

Cafodd pont Heol Merthyr eu hadnabod ers amser maith fel man toriad ar gyfer teithio llesol, ac mae Cyngor Sir Fynwy wedi rhoi blaenoriaeth i ddatblygu’r llwybr hwn. Daw’r bont newydd y prif groesiad afon ar gyfer teithio llesol rhwng Llan-fwyst a’r Fenni. Bydd hyn yn cynnig dewis diogel a deniadol i ddefnyddio’r llwybr troed cul dros bont bresennol Heol Merthyr ac annog newid dull teithio fel canlyniad. Mae’r bont ffordd yn strwythur wedi ei restru sy’n cludo llawer o draffig ffordd. Ychydig o gwmpas sydd ar hyn o bryd i’w gwneud yn fwy croesawgar na diogel ar gyfer teithio llesol. Y nod yw pontio’r ddolen goll hon a sicrhau cysylltiadau effeithlon o’r pontydd (newydd a phresennol) i ganol y dref, gan alluogi teithio iach rhwng cartrefi a chyrchfannau allweddol tebyg i ysgolion, Nevill Hall a chanol y dref. 

Mae’r cynllun hwn yn flaenoriaeth ganolog ar gyfer datblygu rhwydwaith Teithio Llesol Cyngor Sir Fynwy, gan drin man gwahanu pont Heol Merthyr. Gwnaed y cais hwn am gyllid mewn proses gynnig gystadleuol genedlaethol ac unwaith y caiff ei ddyrannu, caiff ei neilltuo ar gyfer y prosiect hwn a ni fedrir ei wario ar brosiectau, cynlluniau neu wasanaethau eraill gan y cyngor. 

Elfennau’r cynllun

Gellir disgrifio’r cynllun mewn tri rhan: 

1 – Pont Teithio Llesol y Fenni dros yr Afon Wysg, ychydig uwch na phont Heol Merthyr, gyda darnau cyswllt. Caiff amserlen cyflenwi ei gyhoeddi unwaith y cadarnhawyd y costau manwl a’r rhaglen waith.   

2/3 – Mae ffocws llwybrau Teithio Llesol Dolydd y Castell a Chaeau Ysbyty ar ddarparu ac uwchraddio llwybrau drwy Ddolydd y Castell i gysylltu’r bont Teithio Llesol gyda Heol Merthyr a llwybrau i ganol y dref. Bydd maint y rhwydwaith a gaiff ei ddatblygu o fewn y prosiect hwn yn dibynnu ar y cyllid sydd ar gael. Mae’r llwybr dros Bont Afon Fenni wedi ei ohirio ar hyn o bryd yn disgwyl negodiadau ar dir ac ni chaiff ei ystyried fel rhan o’r gwaith cyfredol. 

4 – Cysylltiadau Llan-ffwyst: Gwelliannau i’r ddarpariaeth teithio llesol ar ochr Llan-ffwyst Afon Wysg. I gyflawni hyn, y cynllun yw uwchraddio palmentydd a chyfleusterau croesi o fewn Llan-ffwyst, cysylltu Llan-ffwyst gyda’r Fenni gyda llwybrau mwy diogel a hygyrch. Bydd maint y rhwydwaith a ddatblygir o fewn y prosiect hwn yn dibynnu ar y cyllid sydd ar gael. Darllen mwy am Cysylltiad Y Bont I Lan-Ffwyst.

Rhoddir manylion llawn pob elfen a’r amserlen debygol ar y dudalen yma. 

Medrir gweld fideo o’r cynllun arfaethedig llawn yma – Y Fenni – Flythrough Teithio Llesol  

Beth yw’r newid y disgwyliwn ei weld?

• Cynyddu teithiau llesol yn y Fenni
• Gwella cysylltedd a hygyrchedd ar gyfer teithiau llesol yn a rhwng Llan-ffwyst a’r Fenni
• Gwella lefel wirioneddol a thybiedig diogelwch personol wrth gerdded a seiclo
• Creu a gwella llwybrau cerdded/seiclo neilltuol newydd oddi ar y ffordd, gan gysylltu gyda chyfleoedd teithio llesol
• Diogelu a rheoli ecosystemau gwerthfawr fel rhan o gyflenwi cynlluniau a chynnig budd net i fioamrywiaeth
• Hyrwyddo teithio cynaliadwy fel bod yn ddeniadol a diogel yn y Fenni a Llan-ffwyst.

Holi ac Ateb  

Beth yw’r amserlen ar gyfer ei gyflenwi?   

Bu oedi rheoleiddiol a phroblemau technegol gyda phrosiect pont Llan-ffwyst. Bu heriau niferus gyda chyflenwi pont newydd ar draws afon yn ymyl heneb gofrestredig. Rydym yn gweithio’n galed i gyflenwi’r cynllun hwn wrth ochr y cyfyngiadau i sicrhau y caiff yr amgylchedd lleol ei ddiogelu, a sicrhau fod y prosiect yn ateb gofynion draeniad, tirwedd a bioamrywiaeth i gysylltu llwybr drwy Safle o Ddiddordeb Gwyddonol Arbennig a thirwedd hanesyddol. Byddir yn symud ymlaen gydag adeiladu (WelTAG cam 4) ar ôl cwblhau ymchwiliadu a chynlluniau a chael y caniatâd angenrheidiol. Mae mwy o wybodaeth ar broses WelTAG ar gael yma –  Canllawiau gwerthuso trafnidiaeth Cymru (WelTAG) | LLYW.CYMRU.   

Caiff manylion diweddaraf y dyluniad technegol a’r amcangyfrif cost, ynghyd â chynllun gwaith, eu paratoi. Bydd hyn yn galluogi Cyngor Sir Fynwy a’i ymgynghorwyr i gwmpasu faint o waith y gellir ei gyflawni a’i gwblhau dros y ddwy flynedd nesaf o’r cynllun llawn a gynigiwyd yn wreiddiol. Caiff rhaglen lawn o waith ei diweddaru ar y dudalen hon cyn gynted ag y bydd ar gael. 

A yw’r bont a llwybrau Teithio Llesol wedi cael caniatâd cynllunio? 

Cafodd cynllunio ei gymeradwyo ar gyfer Pont Teithio Llesol y Fenni ym mis Hydref 2018. Cymeradwywyd cynllunio ar gyfer llwybrau yn Nolydd y Castell ym mis Chwefror 2024. Mae’r paratoadau ar gyfer y cynllun hwn wedi cynnwys gwaith helaeth i sicrhau fod y dyluniad yn ateb gofynion draeniad, tirlun a bioamrywiaeth i gysylltu llwybr drwy Safle o Ddiddordeb Gwyddonol Arbennig a thirwedd hanesyddol. 

Pam fod y llwybr yma wedi cael blaenoriaeth? 

Mae’n brosiect hirdymor i ddarparu man croesi diogel ar gyfer cerddwyr a seiclwyr, yn seiliedig ar adborth gan y gymuned a gwaith a wnaed drwy ddau gam yr ymgynghori ar y Map Rhwydwaith Teithio Llesol. Nid yw’n bosibl gwneud newidiadau i bont bresennol y Fenni oherwydd ei fod yn strwythur wedi ei restru. 

A fydd llifogydd yn broblem?  

Cafodd y bont a’r llwybrau eu cynllunio i wrthsefyll llifogydd. Gyda llifogydd bydd rhai adegau yn y flwyddyn pan na fydd y bont a’r llwybrau yn hygyrch ond nid yw hynny’n ddim gwahanol i’r sefyllfa gyfredol pan mae llifogydd. 

A fydd y cynllun yn cynnwys gridiau gwartheg?  

Mae angen cyfyngu mynediad am ran o’r flwyddyn gan fod gwartheg yn pori’r dolydd fel rhan o gynllun rheoli’r dolydd, rhywbeth yr ydym wedi parhau i fod yn ymroddedig iddo ers dechrau’r prosiect. Daeth ymchwiliad helaeth ar yr opsiynau cyfyngau mediad i’r casgliad y ffafrir clwydi sy’n cau’n araf a’u bod yn gwella mynediad o gymharu â’r clwydi moch presennol. Mae defnyddwyr presennol y dolydd yn hoffi’r glwyd cau araf a gafodd ei threialu. Mae rheoli mynediad ar gyfer y bont yn dal i gael ei ddatblygu, ond nid yw gridiau gwartheg yn rhan o’r dyluniad. 

O beth caiff llwybrau Dolydd y Castell eu gwneud? 

Caiff llwybrau ar y dolydd ei wneud o ddeunydd resin llwydfelyn mandyllog wedi’i rwymo ar gyfer draeniad. Cafodd y deunydd hwn ei ddewis ar adborth a gafwyd drwy gydol y cyfnod ymgynghori ac i sicrhau cydymffurfiaeth gyda’r safonau a nodir yn y Canllawiau Dylunio Teithio Llesol [Dolen i  https://www.gov.wales/sites/default/files/publications/2022-01/active-travel-act-guidance.pdf  dolen Gymraeg https://www.llyw.cymru/sites/default/files/publications/2021-12/canllawiau-ddeddf-teithio-llesol.pdf  ]. Cafodd y deunydd hwn ei gytuno ym mhenderfyniad Cynllunio DM/2022/01831  

A fydd cŵn yn dal i gael mynd i Ddolydd y Castell?  

Bydd cŵn yn dal i gael mynd i’r Dolydd fel ar hyn o bryd. Y bwriad yw gwella mynediad ar gyfer mwy o ddefnyddwyr, yn cynnwys y rhai sy’n cerdded, defnyddio sgwter, seiclo a’r rhai sy’n defnyddio sgwteri symudedd, yn cynnwys defnyddwyr hamdden sy’n mwynhau’r dolydd ar hyn o bryd. Mae’n gyfrifoldeb personol ar bob defnyddiwr i sicrhau nad yw eu hymddygiad eu hunain yn cael effaith negyddol ar ddefnyddwyr eraill y dolydd. 

 A fu ymgynghori gyda’r cyhoedd?  

Cynhaliwyd ymgynghori helaeth gyda’r cyhoedd ar gyfer y cynllun. Canfu hyn awydd cryf am ddarpariaeth ddiogel wrth bont Heol Merthyr/croesi Afon Wysg ac arweiniodd at addasu’r dyluniad mewn ymateb i’r sylwadau a gafwyd. 

Beth yw ‘Llwybr Cyd-ddefnyddio’? 

Mae llwybr cyd-ddefnyddio yn llwybr i’w defnyddio gan unrhyw fath o deithio llesol, bydded hynny yn cerdded, olwyno neu seiclo, heb unrhyw nodweddion neu farciau i wahanu’n ffisegol. Mae’r cynllun cyd-ddefnyddio a gynigir yn dair metr o led, yn unol â chanllawiau Deddf Teithio Llesol. Mae defnydd anghyfreithlon o lwybrau teithio llesol gan yrwyr beiciau modur ac e-sgwteri yn fater i’r heddlu a dylid eu hysbysu drwy ffonio 111. 

 Mae llwybrau cyd-ddefnyddio yn canatau i bobl sy’n cerdded, olwyno a seiclo i ddefnyddio’r un llwybr, gyda digon o led i fod yn gysurus cerdded gyda chadair wthio plentyn, defnyddio sgwter symudedd neu fynd gyda phlentyn ar feic.  Dywedwyd fod llwybrau cyd-ddefnyddio mewn cynlluniau teithio llesol eraill yn hybu defnydd ystyriol ac arafach – pan mae seiclwyr eisiau teithio’n gyflym, maent yn defnyddio’r ffordd yn lle hynny. 

Map Ardal Teithio Llesol y Fenni

Cliciwch ar y map isod i’w lawrlwytho.

This post is also available in: English