Cynllun Cyswllt Teithio Llesol Cil-y-coed a Llwybr Amlddefnydd

Cynlluniwyd cynllun teithio llesol Cyswllt Cil-y-coed i greu rhwydwaith integredig o lwybrau rhannu defnydd, sy’n cysylltu ardaloedd preswyl presennol ac ar y gweill yn nwyrain Cil-y-coed a’r cylch gyda chyrchfannau lleol a thrafnidiaeth gyhoeddus. Y nod yw galluogi preswylwyr i ddefnyddio teithio llesol ar gyfer teithiau lleol a chysylltu gyda rhwydweithiau ehangach teithio llesol a thrafnidiaeth gyhoeddus  Glannau Hafren drwy adeiladu llwybrau ansawdd uchel a chyfleus ar gyfer cerdded, olwyno a seiclo.

Cynllun Cyswllt Teithio Llesol Cil-y-coed

Mae cynllun Cyswllt Cil-y-coed yn canolbwyntio ar ogledd a dwyrain Cil-y-coed. Rhannwyd y cynllun yn dair adran wahanol* (gweler y cynllun isod):

• Rhan 1: Yn rhedeg ar hyd llwybr hen reilffordd Dinham y Weinyddiaeth Amddiffyn, ychydig i’r de o’r Cae Grawn  ym Mhorthysgewid, i fod yn gydwastad gyda Pharc Gwledig Castell Cil-y-coed. Mae’r prif waith adeiladu bellach wedi ei gwblhau, gyda pheth mân waith i’w gwblhau yn hydref 2024 sy’n cynnwys: plannu coed, tirlunio, goleuadau ac arwyddion.
• Rhannau 2 a 3: O’r lefel gyda’r parc gwledig tua’r gogledd i Crug, gan groesi safleoedd CDLlD gogledd-ddwyrain Cil-y-coed. Mae aliniad llwybr yn cael ei ddatblygu.
• Rhan 4 – Llwybr Aml-ddefnyddiwr: Yn rhedeg trwy Barc Gwledig Castell Cil-y-coed yn cysylltu â Chysylltiadau Cil-y-coed a’r B4245 ar yr ochr ddwyreiniol ac yn cysylltu â Church Road (ac ymlaen i Ganol Tref Cil-y-coed) ar yr ochr orllewinol.

*Caiff adrannau o’r cynllun eu cyflwyno fel y bydd cyllid a chyfyngiadau eraill yn caniatáu, h.y. nid o reidrwydd mewn trefn rifyddol.

Cynnydd Presennol

Rhan 1: Cwblhawyd y gwaith adeiladu gan ddarparu llwybr a rennir arwyneb tarmac tua 1 cilomedr o hyd ar agor i’r cyhoedd.

Mae croeso i chi ddefnyddio’r rhan hon o lwybr teithio llesol newydd Cysylltiadau Cil-y-coed ar gyfer cerdded, olwynio a beicio. Sylwch nad yw’r llwybr hwn yn cael ei hyrwyddo fel un hygyrch i bob defnyddiwr ar hyn o bryd ac mae’n cynrychioli’r cam cyntaf o ran darparu cysylltiad cyflawn o Borthsgiwed i Gil-y-coed.

Nodwch y canlynol os gwelwch yn dda:

• Parc Gwledig Castell Cil-y-coed: Ar hyn o bryd, nid oes llwybr wyneb caled ffurfiol yn cysylltu’r llwybr tarmac hwn â ffordd wasanaeth tarmac y Parc Gwledig. Bydd angen i ddefnyddwyr sy’n dymuno parhau i mewn i’r Parc Gwledig ddefnyddio llwybrau glaswellt anffurfiol, sydd ag arwynebau anwastad, llethrau a giatiau.
• Parc Elderwood: Nid oes cysylltiad ymlaen o ben y ramp i Barc Elderwood oherwydd bod y datblygiad tai yn dal i gael ei adeiladu.

Llun: Y Cysylltiadau Cil-y-coed newydd Cam 1

Rhannau 2 a 3: Mae ymgynghorwyr a benodwyd gan CSF wedi cynnal astudiaeth o’r opsiynau sydd ar gael ar gyfer datblygu’r llwybr i’r gogledd a’r dwyrain o’r Parc Gwledig, gan ystyried y cyfleoedd allweddol a chyfyngiadau’r ardal hon. Mae dilyniant pellach y cynllun yn dibynnu ar ddatblygiad y safleoedd CDLlN gerllaw yn y dyfodol ac argaeledd cyllid.

Rhan 4 – Llwybr Aml-Ddefnyddwyr: Mae’r cam hwn bellach wedi’i rannu’n ddau is-gam (gweler y cynllun isod) i gynorthwyo’r datblygu.

Llwybr Aml-Ddefnyddiwr Cam 1: Mae’r cam hwn yn cysylltu pen gogleddol Cam 1 wedi’i gwblhau ac yn cysylltu â’r ffordd wasanaeth tarmac bresennol sy’n rhedeg trwy Barc Gwledig Castell Cil-y-coed, drwy lwybr defnydd a rennir newydd ag arwyneb caled.

Cynhaliwyd ymgynghoriad cyhoeddus ar gynnig y cynllun drwy gydol mis Awst 2025 a ddangosodd ymgysylltiad cymunedol, diddordeb a chefnogaeth dda ar gyfer Cam 1 y Llwybr Aml-Ddefnyddiwr. Nododd hefyd elfennau allweddol a fyddai’n gwella’r cynllun i ddefnyddwyr, sydd wedi’u hymgorffori yn y dyluniad lle bo hynny’n bosibl.

Gellir dod o hyd i grynodeb o ganlyniadau’r ymgynghoriad yma.

Mae’r adroddiad ymgynghori llawn ar gael yma.

Mae’r cynllun bellach yn y cam adeiladu, sydd ar hyn o bryd wedi’i gynllunio i redeg tan fis Medi 2026.

Er diogelwch defnyddwyr Parc Gwledig Castell Cil-y-coed bydd angen cau rhai rhannau o’r parc gwledig dros dro yn ystod y gwaith (ar hyd llwybr Cam 1 y Llwybr Aml-ddefnyddiwr a’r caeadle gwaith dros dro). Bydd mwy o fanylion yn dilyn trwy’r dudalen we hon ac arwyddion ar y safle.

Gellir gweld delweddau o ddyluniad y cynllun ar dudalen we ar wahân y prosiect.

Llwybr Aml-Ddefnyddiwr Cam 2: Mae’r cam hwn yn rhedeg o’r gorllewin i’r dwyrain drwy’r parc gwledig, o’r fynedfa orllewinol oddi ar Heol yr Eglwys i’r fynedfa ddwyreiniol a chysylltiad â’r B4245. Mae asesiadau cychwynnol wedi’u cynnal ond ar hyn o bryd nid oes cyllid ar gael i fwrw ymlaen â’r dyluniad.

Pam canolbwyntio ar ogledd a dwyrain Cil-y-coed?

Mae’r cynllun yn anelu i wella mynediad cynaliadwy i wasanaethau, siopau a safleoedd addysg a chyflogaeth o amgylch Cil-y-coed. Mae cynhyrchu teithiau yn gysylltiedig â’r datblygiad preswyl arfaethedig yn nwyrain a gogledd Cil-y-coed yn ogystal â’r angen i liniaru tagfeydd yn gysylltiedig gyda safleoedd cyflogaeth lleol a phontydd di-doll yr Hafren yn rhoi ysgogiad ychwanegol i’r cynllun, gan fod hwn yn gyfle i wneud teithio llesol y dull a ffefrir ar gyfer teithiau lleol ar gyfer preswylwyr hen a newydd fel ei gilydd. Mae ganddo hefyd werth ychwanegol o ddarparu llwybr deniadol ar gyfer gweithgareddau hamdden, ac yn darparu gwell mynediad i fannau gwyrdd cymunedol lleol, fel Castell a Pharc Gwledig Cil-y-coed a Phrosiect Maes Cornfield, yn ogystal ag i Lwybr Arfordir Cymru a Thirwedd ehangach Gwastadeddau Gwent sydd o Ddiddordeb Hanesyddol Eithriadol.

Mae cynllun Cyswllt Cil-y-coed a gyflwynir mewn camau yn canolbwyntio ar ddwyrain Cil-y-coed, yn cynnwys cysylltu gyda datblygiadau tai oddi ar Heol yr Eglwys a Heol Crug i sicrhau fod gan breswylwyr cyfredol a phreswylwyr y dyfodol opsiynau trafnidiaeth cyfleus, iach a chynaliadwy, i leihau a rheoli effaith traffig ffordd poblogaeth gynyddol a chyfeirio preswylwyr ac ymwelwyr i ganol y dref fel cyrchfan leol.

Isod mae manylion ein Map Teithio Llesol ar gyfer Cil-y-coed, yn dangos faint o amser y byddai’n ei gymryd fel arfer i  deithio yn yr ardal leol. Bydd yr ardaloedd datblygu lleol, a ddangosir mewn brown, yn cynnwys parseli o fannau gwyrdd (h.y. mae’r safleoedd a ddangosir yn cynnwys ardaloedd na fydd adeiladu):

Beth yw teithio llesol?

Mae teithio llesol yn derm a ddefnyddir i ddisgrifio cerdded, olwyno neu seiclo i gyrchfan y mae Deddf Teithio Llesol (Cymru) 2013 yn eu disgrifio fel “teithiau pwrpasol”. Nid yw’n cynnwys teithiau a wneir yn llwyr ar gyfer hamdden er y gallai wella gweithgareddau hamdden yn sylweddol drwy helpu i gysylltu’r rhwydweithiau. Gellir defnyddio Teithio Llesol i fynd i’r ysgol, gwaith, gwasanaethau a siopau, neu fel un o nifer o ddulliau teithio ar daith hirach – er enghraifft, cerdded i’r orsaf i ddal bws neu drên. Ffocws strategaeth teithio llesol Cyngor Sir Fynwy yw teithiau o dair milltir neu lai, sy’n golygu gwella seilwaith cerdded a seiclo o fewn cymunedau a rhwng aneddiadau cyfagos tebyg i Gil-y-coed, Porthysgewin a Crug, fel y gall teithio llesol fod yn ddewis naturiol ar gyfer teithiau lleol. Mae Cyngor Sir Fynwy hefyd yn anelu i weithio cysylltiadau teithio llesol i drafnidiaeth gyhoeddus, i gefnogi teithio cynaliadwy ar draws y sir.

Sut y caiff cynllun Cyswllt Cil-y-coed ei ariannu?

Mae gwaith datblygu ac adeiladu prosiect Cysylltiadau Teithio Llesol a Llwybrau Aml-ddefnyddiwr Cil-y-coed hyd yma wedi’i ariannu gan grantiau Llywodraeth Cymru, sy’n anelu at wella dulliau trafnidiaeth gynaliadwy.

Cysylltwch â ni

Os hoffech gysylltu â thîm y prosiect, e-bostiwch ActiveTravel@monmouthshire.gov.uk

This post is also available in: