Wythnos Blêr yn Hen Orsaf Tyndyrn

Dewch i ddarganfod, creu a dychwelyd i fyd natur ar un o’n sesiynau gweithgareddau sy’n seiliedig ar natur, sy’n digwydd yn Hen Orsaf Tyndyrn haf eleni. Ar ddydd Iau 25^ain Gorffennaf a dydd Iau 22^ain Awst rydym yn dathlu popeth mwdlyd gyda’r Wythnos Flêr!!  Gallech greu anghenfil mwd, gwneud eich brwsh paent natur eich hun, gadael eich marc gyda phaentio mwd llaw a thraed a chael hwyl gyda ffyn swigod a blodau gwifren…

Pris y tocynnau yw £4 fesul plentyn (nid oes angen i oedolion archebu).  

Lleoliad: yn y babell ymestyn wrth ymyl y maes parcio gorlif  

Amser dechrau: 10:30 tan tua chanol dydd!  

• Mae’r holl ddeunyddiau crefft, gan gynnwys clai, yn cael eu darparu ar gyfer pob plentyn
• Gall pob plentyn fynd â’i holl greadigaethau adref ar ddiwedd y sesiwn fel cofrodd
• Mae pob plentyn yn derbyn tocyn trên am ddim i’r trên bach, naill ai i’w ddefnyddio ar y diwrnod neu ar adeg arall

Telerau ac Amodau

• Ar gyfer y rhai 3 oed +
• Mae angen un oedolyn ar gyfer pob tri phlentyn (nid oes angen i oedolion archebu lle)
• Bydd y sesiwn yn cael ei goruchwylio gan un aelod o staff Hen Orsaf Tyndyrn
• Uchafswm maint grŵp yw 10 o blant
• Mae angen archebu lle o flaen llaw
• Ni fydd unrhyw ad-daliadau

This post is also available in: English