Bydd Cyngor Sir Fynwy yn dechrau gwaith ar Gynllun Teithio Llesol Cil-y-coed ar 17 Mawrth 2025<\/p>\n\n\n\n
Wedi\u2019i ariannu drwy Gronfa Teithio Llesol Llywodraeth Cymru, nod y cynllun yw gwella cysylltiadau teithio llesol i Ysgol Cil-y-coed a chyrchfannau lleol eraill.<\/p>\n\n\n\n
Mae strategaeth y Cyngor ar gyfer teithio llesol yn annog trigolion i ddefnyddio cerdded, beicio a mathau eraill o gludiant llesol ar gyfer teithiau byr, bob dydd. Drwy greu amgylcheddau cymunedol sy\u2019n gwneud teithio llesol yn ddiogel, yn gyfleus ac yn ddeniadol, mae\u2019r cynllun yn cynnig dewis cost-effeithiol ac iach yn lle gyrru, tra\u2019n gwella effeithlonrwydd y system ffyrdd i\u2019r rhai sydd angen gyrru.<\/p>\n\n\n\n
Mae cynllun Ffordd Woodstock wedi\u2019i ddatblygu mewn ymateb i anghenion lleol a nodwyd gan y Cyngor a sefydliadau eraill, sy\u2019n cynnwys yr angen am lwybrau a mannau croesi mwy diogel i gerddwyr a defnyddwyr cadeiriau olwyn a bydd yn gweld uwchraddio llwybrau a chroesfannau ar hyd y ffordd i wella diogelwch, ansawdd llwybrau, a lleihau tagfeydd.<\/p>\n\n\n\n
Casglodd ymgynghoriad cyhoeddus a gynhaliwyd yn 2024 fewnbwn ar gynlluniau datblygu\u2019r ardal. Roedd hyn yn cynnwys sesiynau ymgysylltu wyneb yn wyneb, ffurflen ymgynghori ar-lein, ac arolwg i ddisgyblion yn Ysgol Cil-y-coed i roi adborth.<\/p>\n\n\n\n
Mae\u2019r datblygiadau ar hyd Ffordd Woodstock yn cynnwys cynllun ffordd wedi\u2019i ailgynllunio i ymgorffori llwybr teithio llesol a rennir, ail-leoli safleoedd bysiau Meddygfa Gray Hill yn nes at y llwybr cerddwyr i ganol y dref (i ffwrdd o gyffordd L\u00f4n y Felin), a gosod ac uwchraddio cyfleusterau croesi, palmentydd cyffyrddol ac arwyddion.<\/p>\n\n\n\n