![](\"https:\/\/www.monlife.co.uk\/wp-content\/uploads\/2023\/03\/Chepstow-Castle-JMW-Turner-1794-002-1024x763.jpg\")
<\/p>\n<\/p>\n
Diolch i gyllid a sicrhawyd gan Gyngor Celfyddydau Lloegr\/Cronfa Grant Prynu\u00a0 V&A\u00a0 a chymorth y Loteri Genedlaethol, Becwedd Beecroft y Gymdeithas Amgueddfeydd, Ymddiriedolaeth Dyffryn Wysg a chronfa pryniant amgueddfeydd MonLife, bydd \u2018trysor lleol\u2019 \u2013 paentiad gan JMW Turner yn dod gartref i Gas-gwent yn fuan. Mae dyfrlliw Turner o Gastell Cas-gwent yn un o ddim ond dau o weithiau gan yr artist y gwyddys eu bod yn dangos yr olygfa eiconig o\u2019r castell ger Afon Gwy.<\/p>\n
<\/p>\n
Mae Treftadaeth MonLife wedi sicrhau\u2019r tirlun hardd a gaiff ei arddangos yn yr haf yn amgueddfa Cas-gwent a gobeithir y bydd cynifer o bobl leol ag sydd modd yn ymweld i edrych ar y paentiad a chael eu hysbrydoli ganddo.<\/p>\n
<\/p>\n
Caiff Joseph Mallord William Turner (1775-1851) ei gydnabod fel efallai yr artist \u2018Rhamantus\u2019 Prydeinig gorau a chyfeirir ato yn aml fel \u201cpaentiwr goleuni\u201d oherwydd ei allu i gyfleu tirluniau a morluniau egn\u00efol ar bapur a chanfas.<\/p>\n
<\/p>\n
Dim ond 19 oed oedd Turner pan baentiodd y dyfrlliw o Gastell Cas-gwent yn 1794 a chredir iddo gael ei greu fel canlyniad i daith gyntaf yr artist o Dde Cymru. Unwaith y caiff ei arddangos yn Amgueddfa Cas-gwent, bydd y paentiad yn helpu i gyfleu stori Sir Fynwy y 18fed ganrif a hefyd gariad Turner at y sir.<\/p>\n
<\/p>\n
Dywedodd y Cyng. Sara Burch, Aelod Cabinet Cymunedau Cynhwysol a Gweithredol: \u201cMae\u2019n newyddion gwych y bydd y paentiad yn dychwelyd i Gas-gwent lle gwnaeth Turner ei baentio yn 19 oed. Daw yn em yng nghasgliad paentiadau a darluniau Sir Fynwy a ysbrydolwyd gan Ddyffryn Gwy. Gobeithiaf y bydd artistiaid ifanc heddiw yn ei weld ac yn cael eu hysbrydoli. Roeddem wedi credu y byddai prynu gwaith celf pwysig fel hyn allan o\u2019n cyrraedd, nes i gyllidwyr hael gamu mewn i arbed y paentiad ar gyfer y genedl a Sir Fynwy.\u201d<\/p>\n
<\/p>\n